"ხელისუფლებამ, რომელიც უნდა იყოს სამართლიანობის გარანტი, თავზე დაგვახია კონსტიტუცია და კანონი... თუ ჩემი გაჩერება გინდათ, შეგიძლიათ პირდაპირ მესროლოთ ტყვია!"

"ხელისუფლებამ, რომელიც უნდა იყოს სამართლიანობის გარანტი, თავზე დაგვახია კონსტიტუცია და კანონი... თუ ჩემი გაჩერება გინდათ, შეგიძლიათ პირდაპირ მესროლოთ ტყვია!" - მეუფე გიორგის სკანდალური ქადაგება

რელიგია - 20:34, 26 Jul, 2020

6829

მივმართავ ჩემ სამწყსოს, ჩვენ აზერბაიჯანელ თანამოქალაქეებს: ვინც პირდაპირ ან ირიბად ხელს შეუწყობს ზაურ დარგალის შესვლას საკანონმდებლო ორგანოში, თანამონაწილე იქნება იმ სახელმწიფოებრივი დანაშაულისა, რომელიც მან ჩაიდინა - ამის შესახებ მარნეულისა და ჰუჯაბის ეპისკოპოსმა, მეუფე გიორგიმ საკვირაო ქადაგების დროს განაცხადა.
მეუფეს თქმით, ნარიმან ნარიმანოვის ძეგლის დადგმას ის არ შეეგუება და ბოლომდე იბრძოლებს.

"ჩემ წინააღმდეგ ცილისმწამებლური კამპანია, თითქოს მე ვაღვივებ ეთნიკურ შუღლს, წამოიწყეს იმ ადამიანებმა, იმ ძალებმა, რომლებიც ემსახურებიან სიცრუეს.

უკანასკნელი 3 თვის განმავლობაში ჩვენი ვიხილეთ უდიდესი შეურაცხყოფა; ღირსების, სინდისის შელახვა, როდესაც ქალაქის არჩეულმა მერმა ჩაიდინა სახელმწიფოებრივი დანაშაული – პირსისხლიანი, ჩვენი დამოუკიდებლობის, ტერიტორიული მთლიანობის დამამხობელის, ნარიმან ნარიმანოვის, რეინკარნაცია.

ხელისუფლებამ, რომელიც უნდა იყოს სამართლიანობის გარანტი, თავზე დაგვახია კონსტიტუცია და კანონი. დღე და ღამე მუშაობენ იმაზე, რომ სხვადასხვა საშუალებით შემაჩერონ. პირდაპირ მივმართავ მათ: თუ ჩემი გაჩერება გინდათ, შეგიძლიათ პირდაპირ მესროლოთ ტყვია!

გუშინ გარეჯი დაგვიკეტეს, წაგვართვეს. ვინც თავის დროზე გარეჯი მიაკუთვნა მეზობელ სახელმწიფოს, დღეს მისი ძეგლი პატივითა და ღირსებით შეამკეს" - განაცხადა მეუფე გიორგიმ.