ყარაბაღში სამხედრო მოქმედებები უმწვავეს ფაზაშია გადასული-უკანასკნელი საათები განმავლობაში აქტიურად მუშაობენ თურქული წარმოების აზერბაიჯანული დამრტყმელი უპილოტო საფრენი აპარატი, BAYRAKTAR TB 2-ები.
აზერბაიჯანის თავდაცვის სამინისტროს განცხადებით, აზერბაიჯანის არმიის დრონებითა და საარტილერიო დანადგარებით აგდერში მძიმედ დაიბომბა მე-10 სამთო ქვეითთა დივიზიონი, რომლის შედეგადაც უამრავი ადამიანი დაიღუპა და ცოცხალი ტექნიკა დაიწვა. სამხედრო უწყების თქმით, აგრეთვე მასირებულ დაბომბვებს ახორციელებენ ფიზულის მიმართულებით მე-4 ბატალიონზე, რომლებზეც იერიში მსხვილკალიბრიანი საარტილერიო დანადგარებიდან განხორციელდა.
აზერბაიჯანის თავდაცვის სამინისტრომ თავის ოფიციალურ გვერდზე გამოაქვეყნა მე-7 სამთო ქვეითი პოლკის მეორე ბატალიონის დაბომბვის უმძიმესი კადრები, სადაც ასახულია სულ მცირე 12 სამხედროს ადგილზე გარდაცვალება და ახლო მანძილზე მყოფთაგან უმრავლესი მათგანის მძიმე დაზიანება. აღნიშნული დანაყოფის უმრავლესობა ბრძოლის ველზე ახლადმოსული რეზერვისტებით იყო დაკომპლექტებული.
თავდაცვის უწყებამ აგრეთვე გამოაქვეყნა სოფელ თონაშენთან განადგურებული 2 ტ 72-ის ტიპის ტანკის ამსახველ კადრები. ორივე მათგანი BAYRAKTAR -ის მიერ ნასროლი MAM-l-ის ტიპის პლანირებადი ბომბით იქნა განეიტრალებული.
გამოქვეყნებულ კადრებში აგრეთვე მოხვდა სომხური საარტილერიო პოზიციებისა და d-20, d-30-ის ტიპის რუსული წარმოების ქვემეხთა განადგურების მომენტები.
სამინისტროს ოფიციალურ გვერდზე გამოქვეყნებულ მე-4 ვიდეოში ასახულია, თუ როგორ ბომბავს უპილოტო საფრენი აპარატი გამაგრებულ საცეცხლე პოზიციებზე მდგარ სომხურ BMP 1-ის ქვეითთა საბრძოლო მანქანასა და გრადის ტიპის ორ ზალპური ცეცხლის რეაქტიულ სისტემებს.
მასალის გამოყენების პირობები