საქართველოს პარლამენტის თავმჯდომარე, არჩილ თალაკვაძე აცხადებს, რომ „ქართული ოცნების“ ხელწერა ძალადობა არასდროს ყოფილა.

თალაკვაძის თქმით, "ოცნებას" 56%-იანი მხარდაჭერა აქვს და ასეთი ქმედებები არაფერში სჭირდება.

"არავის მივცემთ საშუალებას ის პოზიტიური საარჩევო კამპანია, რომელიც ქვეყანაში მიმდინარეობს, დააზიანოს და ჩრდილი მიაყენოს ამ დემოკრატიულ მიღწევას. ​სამართალდამაცავებს აქვთ სრული საკანონმდებლო და პოლიტიკური მხარდაჭერა იმისთვის, რათა მოხდეს ასეთი ინციდენტების პრევენცია და თითოეულ მათგანზე რეაგირება.

„ქართული ოცნების“ ინტერესებში არასდროს ყოფილა და „ქართული ოცნების“ ხელწერა არასდროს ყოფილა ძალადობა" ამბობს თალაკვაძე.

ცნობისთვის, 29 სექტემბერს მარნეულში "მთავარი არხის" ჟურნალისტს სცემეს.