"პირველი სხივის“ აღდგენილი გამოცემა
განათლება - 11:13, 29 Dec, 2020     1367

ივანე ჯავახიშვილის სახელობის თბილისის სახელმწიფო უნივერსიტეტში ლიტერატურული ალმანახის „პირველი სხივი“ განახლებული პირველი ნომრის პრეზენტაცია გაიმართა.

„პირველი სხივი“ უნივერსიტეტის ტრადიციული ჟურნალია, რომელიც წლების განმავლობაში ახალგაზრდა შემოქმედთა წახალისებას და მათი ნაწერების მკითხველისთვის წარდგენას ემსახურებოდა. პირველი ნომერი უნივერსიტეტის მაშინდელი რექტორის ნიკო კეცხოველის თაოსნობით 1950 წელს გამოიცა. „პირველი სხივის“ ნომრებში შედგა ნოდარ დუმბაძის, რეზო ინანიშვილის, არჩილ სულაკაურის, თამაზ ჩხენკელის, მუხრან მაჭავარიანის, რევაზ ჯაფარიძის, თამაზ და ოთარ ჭილაძეების, ვახტანგ ჯავახაძის, შოთა ნიშნიანიძის, მორის ფოცხიშვილის, ვახუშტი კოტეტიშვილის, ჯანსუღ ჩარკვიანის, ტარიელ ჭანტურიას, ლია სტურუას, რეზო ჭეიშვილის და ქართული მწერლობისა თუ მეცნიერების სხვა წარმომადგენელთა ლიტერატურული დებიუტი.

თექვსმეტწლიანი პაუზის შემდეგ აღდგენილ ალმანახში სხვადახვა თაობის 50-მდე ავტორია წარმოდგენილი. ალმანახის აღდგენის ინიციატორი თსუ რექტორი გიორგი შარვაშიძეა. რედაქტორად ამავე უნივერსიტეტის პროფესორი, პოეტი და მთარგმნელი გიორგი ლობჟანიძე დაინიშნა. როგორც მან აღნიშნა, ახალ ნომერში ერთად მოიყარეს თავი როგორც ახალგზრდა შემოქმედებმა, ასევე უკვე ცნობილმა პირველსხიველებმა, რომლებიც პირველად სწორედ ამ ჟურნალში გაიცნო მკითხველმა. „პირველი ნომერი, ვფიქრობ, საინტერესო გამოვიდა, ობიექტურადაც, იმიტომ, რომ ძალიან მრავალფეროვანია. აქ არის არა მხოლოდ ერთი თაობა, ადრე იყო ეს მხოლოდ ახალგაზრდების ჟურნალი, ახლა რადგანაც პირველი სხივი უკვე თვითონ მოიცავს მწერლების თაობებს, პირველსხიველია 80 წლის მწერალიც, რომელიც აქ დაიბეჭდა და ცხადია, თუ მოგვაწვდის მასალას, ჩვენ სიხარულით გავუღებთ კარს და პირველსხიველი იქნება ის ახალგაზრდაც, რომელიც დღეს გამოვა ასპარეზზე. მაგალითად, ამ ნომერშიც რამდენიმე ძალიან ნიჭიერი ახალგაზრდა არის.“-განაცხადა გიორი ლობჟანიძემ.

ჟურნალში გარდა ორიგინალური პროზისა და პოეზიისა, დაბეჭდილია თარგმანები სხვადასხვა ენიდან; ცალკე რუბრიკა ეძღვნება დრამატურგიას, ლიტერატურათმცოდნეობასა და კრიტიკას. გარდა ამისა, რუბრიკაში „მასტერკლასი“ ახალგაზდა მწერლებს საშუალება ექნებათ გაეცნონ, როგორც უცხოელი, ისე თანამედროვე ქართველი ავტორების შეხედულებებს წერის ხელოვნებაზე, ეზიარონ მათ გამოცდილებას ამ საქმეში. ცალკე რუბრიკა იქნება „ჩვენი ერთი პუბლიკაციის“ გამო, რომელიც დროდადრო ჟურნალში ადრე დაბეჭდილ, გამორჩეულ მასალებსა და მათ თავგადასავალს შესთავაზებს მკითხველს.

ძალიან კარგი კრებული გამოვიდა; აღდგენილი პირველი ნომრის შექმნაში მონაწილეობა მიიღეს, როგორც დამწყებმა, ასევე სახელოვანმა მწერლებმა, პოეტებმა, კრიტიკოსებმა. მნიშვნელოვანია, რომ ეს ტრადიცია თსუ -ის სივრცეში აღდგა და დარწმუნებული ვარ, ფართო აუდიტორიის მიერ იქნება დაფასებული. ბევრი სიახლე არის შემოთავაზებული და, რაც ყველაზე მთავარია, ის ადგილი გაჩნდა, სადაც ახალგაზრდებს შეუძლიათ მოსინჯონ ძალები და ჩამოყალიბდნენ, როგორც მომავალი პროფესიონალები,-აღნიშნა თსუ რექტორმა გიორგი შარვაშიძემ.

აღდგენილი ალმანახი, ამჯერად, მხოლოდ თბილისის სახელმწიფო უნივერსიტეტით არ შემოიფარგლება, მასში საკუთარი ნაწარმოებების გამოქვეყნება სხვა ახალგაზრდა პოეტებს, პროზაიკოსებს, ლიტერატურათმცოდნეებსაც შეეძლებათ. ახალგაზრდებს საშუალება ექნებათ ალმანახის ფურცლებიდან გააცნონ მკითხველს საკუთარი შემოქმედება. ამასთან, თაობათა შორის კავშირის არსებობის ნიშნად, აღდგენილ ალმანახში უკვე ცნობილი პირველსხიველები დაბეჭდავენ ახალ ნაწარმოებებს.
„პირველი სხივი“ ამიერიდან წელიწადში ორჯერ დაიბეჭდება.

პოეტ ტარიელ ხარხელაურის შემოქმედებითი საქმიანობისთვის „პირველ სხივს“ განსაკუთრებული როლი აქვს. „დღეს ჩემთვის არის დღე - დაბრუნება წარსულთან. „პირველი სხივი“ არის ის ჟურნალი, საიდანაც დაიწყო ჩემი ლექსების ბეჭდვაც და გზაც ჩემი ქართულ პოეზიაში, თუმცა ეს ხმამაღალი განაცხადია, ქართული პოეზია, მაგრამ მაინც შემადგენელი ნაწილი ხომ ხარ ამ უზარმაზარი პოეზიისა.“- განაცხადა ტარიელ ხარხელაურმა.

უნივერსიტეტის ლიტერატურული წრე პირველად 1947 წლის სექტემბერში შეიკრიბა. უნივერსიტეტში ლიტერატურულ წრეს დოცენტი ბესო ჟღენტი ხელმძღვანელობდა. წრეს ბევრი ახალი წევრი შეემატა, ბევრი საყურადღებო ლიტერატურული მასალა დაგროვდა; შესაძლებელი გახდა ალმანახის დაარსება, რისი ინიციატივა უნივერსიტეტის მაშინდელ რექტორს, აკადემიკოს ნიკო კეცხოველს ეკუთვნოდა.





მასალის გამოყენების პირობები

სხვა სიახლეები
მკვლელობა აბასთუმანში - დეტალები
კარგი ამბავი - საჩხერის სამედიცინო ცენტრში 101 წლის ქალმა კორონავირუსი დაამარცხა
USAID-ის და თიბისის კოლაბორაცია აგროსრექტორის მხარდასაჭერად
გურიიდან გაუჩინარებული 17 წლის გოგონა სახლში დაბრუნებაზე უარს აცხდებს - მოზარდი მამის მხრიდან სავარაუდო ძალადობაზე ალაპარაკდა
ხელკეტის გადაყლაპვას მაიძულებდნენ - ნავალნის შტაბის კოორდინატორი
აუცილებელი ხრიკები, რომლებიც საგანგებო სიტუაციებში "გადაგარჩენთ"(ფოტოები)
უკრაინამ და საქართველომ MAP-ი უნდა მიიღონ - ლინკევიჩუსი
ჩეხეთთან სოლიდარობის ნიშნად ლატვია, ლიეტუვა და ესტონეთი რუს დიპლომატებს გააძევებენ
საუბარია 3 კონკრეტულ პოლიციელზე, მათ შეეხებათ ძალიან ვიწრო მუხლი - სამადაშვილი ამნისტიაზე
შემოტანილ AstraZeneca-ს ვაქცინას ვადა მაისის ბოლოს გასდის
ჩინური “სინოფარმით“ სავარაუდოდ აიცრებიან მასწავლებლები, ბაღის აღმზრდელები, პოლიციელები... - გამყრელიძე
ქარაფშუტულად ეპყრობიან საკუთარ ხელმოწერას - პაპუაშვილი "ლელოს" ინიციატივაზე
"ვადასტურებთ ჩვენს მხარდაჭერას საქართველოსა და უკრაინის დამოუკიდებლობის, სუვერენიტეტისა და ტერიტორიული მთლიანობისა და ორივე სახელმწიფოს ევრო-ატლანტიკური მისწრაფებების მიმართ" - რუმინეთის, პოლონეთისა და თურქეთის საგარეო საქმეთა მინისტრები
პანაშვიდი სამებაში - აფხაზეთის ომის დროს დაღუპული 13 ადამიანის ნეშტი გადმოასვენეს
საინტერესო ამბები
კიდევ ერთი თავდასხმა პოლიტიკურ ოპონენტებზე - "ქართული ოცნების“ აქტივისტები გაერთიანებული ოპოზიციის წარმომადგენლებს ფიზიკურად გაუსწორდნენ
დღეს, 02:42
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
ახალციხე შესაძლოა ახალი ინფექციის აფეთქების კერად იქცეს – დღეს ყირიმ–კონგოს ცხელებით 23 წლის ბიჭი დაიღუპა
დღეს, 02:42