ოთახის მტვრის ტკიპები, რომლებიც თქვენს ლოგინში ცხოვრობენ

ოთახის მტვრის ტკიპები, რომლებიც თქვენს ლოგინში ცხოვრობენ – ალერგიის გამომწვევი უხილავი მონსტრი

ჯანმრთელობა - 14:07, 05 Feb, 2021

2684

ალერგიისა და იმუნოლოგიის ცენტრი ალერგიის გამომწვევ მიზეზებზე სოციალურ ქსელში საინტერესო სტატუსს აქვეყნებს, რომელსაც უცვლელად გთავაზობთ:

„ალერგიის გამომწვევი დიდი მონსტრი - მტვერი და ნესტის სოკოები‼️

ოთახის მტვრის ტკიპების მოცულობა 0.2 - 0,3მმ შეადგენს. სიმძიმის გამო ისინი იატაკზე და ნივთების ზედაპირზე არიან განლაგებულნი. სიარულის, ან ნივთების გადაადგილების დროს ხდება მათი ჰაერში გაფანტვა და დაახლოებით 20 წუთიდან 2 საათამდე დროა საჭირო, რომ ისინი ისევ ჰაერიდან ქვემოთ დაილექონ.

ოთხის მტვრის ტკიპები ვრცელდებიან ყველგან, თუმცა განსაკუთრებით მრავლად ისინი გვხდება მაღალი ტენიანობის ადგილებში.

ხისა და ტყავის ზედაპირების მქონე ავეჯის პირობებში, მტვრის ტკიპების გავრცელების რაოდენობა ნაკლებია.

ოთხის მტვრის ტკიპები ვრცელდება ლეიბებში, ხალიჩებსა და სხვა საყოფაცხოვრებო ნივთებში.

ნესტის სოკოების "თესლი", რომელსაც სპორებს უწოდებენ, ჰაერში ვრცელდება. ზოგიერთი სპორა ვრცელდება მშრალ, ქარიან ამინდში, სხვები ნისლით, ან ნამით ვრცელდება, როდესაც ტენიანობა მაღალია.

საყოფაცხოვრებო პირობებში სოკოები ყველაზე კარგად იზრდებიან ნესტიან ადგილებში (აბაზანა, სამზარეულო, სარდაფი), ამიტომ ალერგიული რეაქცია შეიძლება განვითრდეს მთელი წლის განმავლობაში.

ბუნებაში არსებული სოკოს სპორებიდან ალერგიული სიმპტომები ყველაზე ხშირად ივლისიდან შემოდგომის დასაწყისამდე ვლინდება.

სოკოს სპორები იზრდებიან დამპალ მორებზე, ჩამოცვენილ ფოთლებზე, ბალახებსა და მარცვლებზე.

გარე სოკოების უმეტესობა არააქტიური ხდება ზამთარში, ხოლო გაზაფხულზე ისინი სიცივისაგან მკვდარ მცენარეებზე იწყებენ ზრდას“