რუსთაველის გამზირი თავისუფლების და პროტესტის კერად იქცა

რუსთაველის გამზირი თავისუფლების და პროტესტის კერად იქცა - პარლამენტთან კარვები გაიშალეს

პოლიტიკა - 14:56, 26 Feb, 2021

1123

"თავსუფლაბი მარში" - პარლამენტთან მიმდინარე აქცია მთავრობის კანცელარიასთან გრძელდება. საკანონმდებლო ორგანოს რაც შეეხება, რუსთაველის გამზირი პროტესტის კერად უკვე იქცა.
ადგილზე რამდენიმე კარავი უკვე გაიშალა. მონტაჟდება სცენა, სადაც ქართველიშემსრუკლებლები შეკრებუილების გამხნევებას მუსიკით შეეცდებიან.

"აქ გაიშლება კარვები, რომლებიც ჩამოვიდნენ ბათუმიდან, ქუთაისიდან და ზუგდიდიდან, სხვადასხვა პარტიების კარვები, სადაც მუდმივად იქნება, როგორც გითხარით პროტესტის ცენტრი. ხოლო ვისაც გვინდა, რომ ჩვენი ხმა გავაგონოთ იმ მთავარ სიმბოლოს დღეს უსამართლობის, გადავინაცვლოთ მთავრობის კანცელარიასთან და იქაც გავმართოთ პროტესტი და გავაგონოთ ჩვენი ხმა. არ შეიძლება ქვეყანაში დღეს არბევდე, იჭერდე და ისევ თავისუფლებისთვის იბრძოდე, ისევ ლამობდე იმას, რომ რუსეთს გამოგლიჯო შენი ქვეყანა.

როდესაც დავბრუნდებით უკან აქ იქნება უკვე მუდმივი პროტესტის კერა სამოქალაქო აქტივისტებით, პოლიტიკოსებით, კარვებით და თავისუფალი ადამიანების მთავარი იდეის, ჩვენი სამშობლოს იდეით. ახლა კი ყველას წყნარად, მშვიდად გთხოვთ ნელნელა გადავინაცვლოთ მთავრობის კანცელარიასთან და იქაც გავაგონოთ ჩვენი ხმა რეჟიმის გამორჩეულ მსახურებს", - განაცხადა ენმ-ს ერთ-ერთმა ლიდერმა ხატია დეკანოიძემ.