საკოორდინაციო საბჭოს გადაწყვეტილებით, ხვალიდან, 1-ლი მარტიდან ქვეყანაში რამდენიმე შეზღუდვა მოიხსნება.

კერძოდ:

• იხსნება საბავშვო და კერძო ბაღები (2 კვირაში ერთხელ თანამშრომლების 20%-ის სავალდებულო ტესტირების პირობით);

• მუშაობას განაახლებენ მუზეუმები და ბიბლიოთეკები;

• გაიხსნება ბათუმში რესტორნების შიდა სივრცეები;

• უმაღლესი და პროფესიული სასწავლებლები შეძლებენ პრაქტიკული, ლაბორატორიული საქმიანობის აღდგენასა და გამოცდების არადისტანციურ ფორმატში ჩატარებას;

აქვე გეტყვით, რომ კვლავ ძალაში რჩება ე.წ. კომენდანტის საათი.

შეგახსენებთ, რომ 25 თებერვლიდან უკვე აღდგა საქალაქთაშორისო მიმოსვლა, გაიხსნა სასტუმროები სამთო კურორტებზე. რამდენიმე შეზღუდვის მოხსნა დაგეგმილია 8 და 15 მარტს, ასევე, პირველ აპრილს.