გრცხვენოდეს ბატონო სერგო! - ინფექციური საავადმყოფოს ხელმძღვანელი თენგიზ ცერცვაძე სერგო ჩიხლაძეს კიდევ ერთი მწვავე ღია წერილით პასუხობს.
იგი თანდათან კარგავს რეალობის შეგრძნებას და სულ უფრო და უფრო ღრმად ტოპავს, მის მიერვე გამოგონილი ბოროტი ფანტაზიების სამყაროში - წერს თენგიზ ცერცვაძე, რომელიც ჩიხლაძის ფეისბუქ პოსტებს ეხმაურება:
"ბოლო დღეებში მან სოციალურ ქსელებში გამოაქვეყნა პოსტები, სადაც არც მეტი არც ნაკლები, ყოველგვარი მტკიცებულების გარეშე პირდაპირ გვდებს ბრალს ჩინური ვაქცინის შემოტანის ლობირებაში?! და „ფინანსური სქემების დალაგებაში“?! და ამბობს, რომ მე ვიქეცი „არა ჯანრმთელობის მუშაკად“, არამედ „ფულის საჭრელი დაზგის ჩინოვნიკად“?! გარდა ამისა, ბრალს მდებს: „მავნებლობაში“?! „ბედოვლათობაში“?!, „უუნარობაში“?! „არაპროფესიონალიზმში“?! „აგრესიულ ანტივაქსერობაში“?! (ეს უკვე მკრეხელობაც კი აღარ არის) და ა.შ.
ამას უკვე უზნეობაც აღარ ჰქვია და როგორც ხედავთ, ბ-ნი სერგო უკვე ყოველგვარ ზღვარს გასცდა და თანაც მხოლოდ და მხოლოდ იმიტომ, რომ საშინლად აღიზიანებს სხვისი გაკეთებული საქმეები და გადარჩენილი ადამიანები და უნდა შექმნას ილუზია, რომ ქვეყანაში ყველაფერი ძალიან ცუდადაა... "-წერს თენგიზ ცერცვაძე.
მასალის გამოყენების პირობები