კულტურის მინისტრი ნინუცა მაყაშვილის განცხადებას გამოეხმაურა და ძალადობაში მხილებულ ბესო ზანგურს თეატრის დატოვება ურჩია, მის ყოფილ ცოლს კი გამოძიებასთან თანამშრომლობა.

"ძალადობაზე საუბარი არასდროს არაა გვიან. გასაგებია, რომ 11 წლის წინ ქალები და არათუ 11 წლის წინ, რამდენიმე წლის წინაც ვერ საუბრობდნენ ღიად. ჩვენ მსხვერპლს ვერასდროს ვუსაყვედურებთ მას, რატომ არ ილაპარაკე დროზეო, ეს არასდროს არაა სწორი და გამართლებული.

ვთვლი, რომ შექმნილი მდგომარეობიდან გამომდინარე არა მხოლოდ ერთმა მახარემ, არამედ მოერე მხარემაც უნდა ითანამშრომლოს საგამოძიებო ორგანოსთან, ამ შემთხვევაში ვგულისხმობ ბატონ ბესო ზანგურს და კარგი იქნება თუ ის ამასობაში, დღესვე, სასწრაფოდ დატოვებს თეატრს“ - აღნიშნა წულუკიანმა.