ავლაბარში საქართველოს ბანკზე თავდასხმისა და მძევლების აყვანის გამო ტერიტორიაზე სპეცრაზმია მობილიზებული.

ადგილზე შეკრებილი არიან მოქალაქეები, რომლებიც პოლიციამ ბანკისგან ოდნავ მოშორებით გაიყვანა.

ერთ-ერთი მამაკაცი ამტკიცებს, რომ თავდამსხმელმა ერთი მოხუცი ქალი გაათავისუფლა. მისი თქმით, ამ ქალთან თავად ჰქონდა კომუნიკაცია:

"შიგნით შევიდა ბანდიტი, 3 თანამშრომელი ჰყავს და ერთი დაცვა. აქ ვიდექი ბირჟაზე. მოქმედი ბანკია. ერთი ბიჭია იარაღით. იქიდან გამოვიდა მოხუცი ქალი. უთქვია, რომ გამიშვი გაკვეთილები მაქვს ბავშვებთანო. გამოუშვია, მე არ გამოვჩნდები და თქვენ გადითო, შუბლზე მომადო იარაღიო," - აცხადებს ადგილზე მყოფი მამაკაცი.