რუსი ოპოზიციონერის ალექსეი ნავალნის ჯანმრთელობის მდგომარეობა უკიდურესად მძიმეა - ამის შესახებ მისი მკურნალი ექიმი იაროსლავ აშიხმინი აცხადებს და არ გამორიცხავს, რომ პატიმრობაში მყოფი ნავალნი, შესაძლოა, ნებისმიერ დროს გარდაიცვალოს.

შიმშილობის მესამე კვირაში 44 წლის ოპოზიციონერის მდგომარეობა დამძიმდა. მას ზურგის მწვავე კივილი დაფეხის გაბუჟება აწუხებს, ორგანიზმში კი კალიუმის მაჩვენებელი სახიფათო ნიშნულზეა, რამაც, ექიმის თქმით, შესაძლოა გულისა და თირკმლის გაჩერება გამოიწვიოს.

პატიმრობაში მყოფი რუსი ოპოზიციონერი პოლიტიკოსის ალექსეი ნავალნის ექიმის განცხადებით, პატიმრის ჯანმრთელობის მდგომარეობა შიმშილობის მესამე კვირაში სწრაფად უარესდება და კრემლის 44 წლის კრიტიკოსი შესაძლოა, სიკვდილის პირას აღმოჩნდეს. ამის შესახებ „ასოშიეითედ პრესი“ იუწყება.

ექიმის, იაროსლავ აშიხმინის განცხადებით, ანალიზის პასუხები, რომლებიც მან პოლიტიკოსის ოჯახისგან მიიღო, აჩვენებს, რომ მას მკვეთრად მომატებული აქვს კალიუმის დონე, რამაც, შესაძლოა, გულის გაჩერება გამოიწვიოს, ასევე მომატებული აქვს კრეატინინის დონე, რაც თირკმლის დაზიანებაზე მიუთითებს.

„ჩვენი პაციენტი, შესაძლოა, ნებისმიერ წუთს მოკვდეს“ , - წერს ექიმი „ფეისბუკის“ პირად გვერდზე.