ნაციონალური მოძრაობა ევროპული საბჭოს პრეზიდენტის შარლ მიშელის მიერ წარდგენილი დოკუმენტის ხელმოწერასთან დაკავშირებით საბოლოო გადაწყვეტილებას პოლიტსაბჭოს სხდომის შემდეგ მიიღებს.

როგორც ენმ-ს წევრმა კობა ნაყოფიამ განაცხადა, პარტიის წარმომადგენლებს აქვთ გარკვეული კითხვები მელიას გათავისუფლების მექანიზმების ამოქმედებასთან დაკავშირებით, ასევე გვარამიას მიმართ სამართალწარმოების გაგრძელება მათთვის მთავარ ბარიერად რჩება:

"ნიკა მელიას თავისუფლების რა მექანიზმი შეიძლება ამოქმედდეს ამასთან დაკავშირებით გვაქვს კითხვები, ასევე, "ქართული ოცნების" განცხადებასთან დაკავშირებით, მათ პრაქტიკულად დააანონსეს ნიკა გვარამიას დაპატიმრება. ჩვენ გვაინტერესებს სიცხადე ამ საკითხებთან დაკავშირებით, რამდენად მოიცავს ეს დოკუმენტი თუ სრული შეთანხმება პოლიტიკური დევნის შეწყვეტას", - განაცხადა ნაყოფიამ