"ევროპული საქართველოს" ლიდერი გიგი უგულავა გიორგი რურუას ამნისტიაზე პრეზიდენტის განცხადებას გამოეხმაურა და მის ქმედებას მდაბიო ვაჭრობა უწოდა. უგულავას შეფასებით, სალომე ზურაბიშვილმა ხალხს და საკუთარ თავს შეურაცხყოფა მიაყენა:

„შეძრწუნებული ვარ. ყველაფერი შეიძლება წარმომედგინა. უარიც შეიძლება წარმომედგინა, მაგრამ ასეთი მდაბიო ვაჭრობა არის ხალხის, საკუთარი თავის და ყველას შეურაცხყოფა. სრულიად ძარღვისგან, ნამუსისგან დაცლილი ყველაზე უფრო მდაბიო განცხადებაა. ფურთხის ღირსია ადამიანი, რომელიც ასეთ განცხადებას აკეთებს“, - განაცხადა უგულავამ.

შეგახსენებთ, საქართველოს პრეზიდენტმა სალომე ზურაბიშვილმა განაცხადა, რომ რურუას ამნისტიის შესახებ გადაწყვეტილებას ხელს მოაწერს, თუ პარტიები მიშელის დოკუმენტს მოაწერენ ხელს, მოხდება შეთანხმება და ოპოზიცია პარლამენტში შევა.