რუსეთის პრეზიდენტის ვლადიმერ პუტინის ერთ-ერთი მთავარი მრჩეველი ცნობილია, როგორც რუსული იმპერიის აღდგენის თავგამოდებული იდეოლოგი, რომელმაც ჩამოაყალიბა ევრაზიული კავშირის კონცეფცია და ხელმძღვანელობს ე.წ. ,,ევრაზიის ინსტიტუტს“. დუგინი ,,ფეისბუქის“ საკუთარ გვერდზე არჩილ ჭყოიძეს გმირს უწოდებს, როგორც საქართველოში ნატოს წინააღმდეგ მებრძოლს.

,,საქართველოს ევრაზიული გმირი - არჩილ ჭყოიძე ნატოს მომხრეებთან ბრძოლაში. ყველაზე რთული რეგიონი. ყოჩაღ, არჩილ! ევრაზია უპირველეს ყოვლისა!“, - წერს დუგინი.

კრემლის იდეოლოგის ამ ფრაზას კომენტარით გამოეხმაურა ,,ევრაზიული ინსტიტუტის“ წარმომადგენელი არჩილ ჭყოიძე, რომელიც დუგინს მადლობას უხდის იმისათვის, რომ სწორედ მან აზიარა ევრაზიიზმის ჭეშმარიტებას.

,,მადლობა თქვენი თბილი სიტყვებისთვის. თქვენი ლექციებისა და ნაშრომების წყალობით მე გავიგე ჭეშმარიტი აზრი ევრაზიიზმისა და მისი მნიშვნელობა საქართველოსთვის. მე დარწმუნებული ვარ, რომ მალე ამას გაიგებს ბევრი ჩემი თანამემამულე. თქვენი მხარდაჭერა ფასდაუდებელია ჩვენთვის, მითუმეტეს იმ ფონზე, რომელიც დაგვიტოვა ჩვენ ყოფილმა პრეზიდენტმა და მისმა აგრესიულმა გუნდმა. კიდევ ერთხელ გმადლობთ!“, - წერს ჭყოიძე დუგინისადმი მადლიერების ნიშნად.