„ვცოდავთ“ - რა არ მიჩნია სწორად ნიკა გვარამიას

ქვეყანაში მიმდინარე საპროტესტო აქციებს და სახალხო მოძრაობის ერთ-ერთ მოთხოვნას, რომელიც  ტექნიკური მთავრობს ჩამოყალიბებას გულისხმობს, ნიკა გვარამია ციხიდან "რექაციისთვის" მიცემულ ექსკლუზიურ ინტერვიუში ეხმიანება.

მისი აზრით, ტექნიკური მთავრობა განუხორციელებელი იდეაა. გვარამია იქვე ამბობს, რომ აქციების პარალელურად, ხელისუფლებასთან საუბარი უნდა იყოს იმაზე რომ ოცნებამ სახე შეინარჩუნოს.

გულწრფელად გეტყვით, მგონია, რომ აქ ვცოდავთ. ზედმეტად კომფორტის ზონის შექმნა არ შეიძლება. კრიტიკული შეკითხვები ნებისმიერ ვითარებაში უნდა დავსვათ. მაგალითად, მე არ მიმაჩნია სწორად, გარდამავალი თუ ტექნიკური მთავრობა. ეს განუხორციელებელი იდეა მგონია და ამავდროულად, 12 პუნქტი, რომლის შესრულებაზეც ვსაუბრობთ, აქიდან პრაქტიკულად არცერთი არ არის მთავრობის შესასრულებელი.

ისმის შეკითხვა - რას ემსახურება მათი ეს იდეა?! მე არ ვამბობ, რომ იდეა ცუდია, არასწორია. მარტივად მოწყვლადია. ყველაფერი რაც უკავშირდება თანამდებობებს, სახელებსა და გვარებს, არის უაზრო ბიძინა ივანიშვილის პროპაგანდის წინააღმდეგ და ხალხისთვისაც მოწყვლადია - სხვა განცდები ჩნდება. ჩვენ ვადამდელ არჩევნებს უნდა მივაღწიოთ. რა თქმა უნდა იმ სისტემით, რომელიც სწორია, იმ ცესკოთი, რომელიც მიუკერძოებელი იქნება, სასამართლოს იმ შემადგენლობებით, რომელიც ობიექტურ გადაწყვეტილებებს მიიღებს და პროკურორის დეპოლიტიზაციით"- ამბობს გვარამია.