ბიძინა ივანიშვილის ყოფილი პირადი მცველის მეუღლე შიშობს, რომ ბესო სურმავა ფსიქოტროპული მედიკამენტების ზემოქმედების ქვეშაა

პოლიტიკა - 15:00, 28 Sep, 2012

2007

მაკა ლობჟანიძე აცხადებს, რომ ჩანაწერები, რომელიც გუშინ გავრცელდა, არის სიცრუე და ფალსიფიკაცია."ჩემი მეუღლე გატაცებულია, სრული პასუხისმგებლობით ვაცხადებ, რომ ეს ჩანაწერები, რომელიც გავრცელდა, სრული სიცრუეა. ჩემი მეუღლე ფარულ აუდიო-ჩანაწერებს არ აწარმოებდა და მათზე ხელი არ მიუწვდებოდა. მასზე ზეწოლა ხორციელდება, ორჯერ დამიკავშირდა და არაფხიზელ მდგომარეობაში აბსურდს ლაპარაკობს. მინდა, მას მივმარო, რომ არ გატყდეს ფსიქოლოგიურად, რადგან ყველამ კარგად იცის რაც ხდება, სამართალდამცველებს კი მივმართავ, დამიბრუნონ ჩემი მეუღლე", - განაცხადა ლობჟანიძემ.მისივე თქმით, ბესო სურმავა სამი დღეა, სახლში არ მისულა და მისი ადგილსამყოფელის შესახებ ზუსტი ინფორმაცია არ აქვს. მაკა ლობჟანიძის განცხადებით, ბესო სურმავა უკვე 10 წელია, ბიძინა ივანიშვილის დაცვაშია. ცოლის მტკიცებით, ბესო სურმავას კომპიუტერთან ძალიან ზედაპირული ურთიერთობა აქვს, დახმარების გარეშე ვერც სკაიპში შედის და შესაბამისად, გამორიცხულია მას იუთუბი-ზე მასალები აეტვირთა. სურმავას ცოლის ძმა ლევან ლობჟანიძე კი აცხადებს, რომ ხელისუფლებას სურს, წარმოაჩინონ თითქოს ოპოზიციაში განხეთქილებაა, ამისთვის ივანიშვილის ერთგული ადამიანი ქუჩიდან მოიტაცეს და ის ფსიქოტროპული ნივთიერებების ზემოქმედების ქვეშ იყო.