"დედა 20 წელზე მეტია, რაც შვილის სიცოცხლისთვის იბრძვის" - 81 წლის ქალს საზოგადოების დახმარება სჭირდება
17:14, 17 Jun, 2019     545

81 წლის ლიანა ხითარიშვილი 20 წელზე მეტია, რაც შვილის სიცოცხლისთვის იბრძვის! ის ფაქტი, რომ გიო დღეს ცოცხალია, სწორედ რომ დედის დამსახურებაა! მიუხედავად იმისა, რომ თავად ხშირად ავადმყოფობს, ქალბატონი ლიანა ძალ-ღონეს არ იშურებს, რომ შვილს სათანადო პირობები შეუქმნას, მაგრამ ეკონომიკური სიდუხჭირე ამის საშუალებას არ იძლევა.

ცოტა ხნის წინ, ლიანა ხითარიშვილმა ინფარქტი გადაიტანა, რამაც კიდევ უფრო გაართულა მისი ჯანმრთელობის მდგომარეობა. ამჟამად მას აწუხებს: სტენოკარდია, ჰიპერტენზია, მაღალი წნევა... ჩვენ ვესაუბრეთ ქალბატონ ლიანას და ვთხოვეთ გაეზიარებინა საკუთარი პრობლემები:

ქალბატონო ლიანა, პროფესიით ვინ ბრძანდებით?

ლიანა ხითარიშვილი: 24 წელი სტიუარდესა ვიყავი. 60-იანი წლების დასაწყისში გავიარე სპეციალური კურსები და დავიწყე მუშაობა.

ეს თქვენი ოცნება იყო?

ლიანა ხითარიშვილი: დიახ. მაშინ 22 წლის ვიყავი, როდესაც შემოთავაზება მივიღე, სიხარულისგან დავფრინავდი. მთელი ჩემი სიცოცხლე სწორედ ამ შესანიშნავ პროფესიას მივუძღვენი.

თქვენი პირადი ცხოვრება არ აეწყო, არა?

ლიანა ხითარიშვილი: ქმარს გავშორდი, როდესაც ჩვენი შვილი 3 წლის იყო. მას შემდეგ იგი არ მინახავს, არ მონაწილეობდა ბიჭის აღზრდაში. გიოც ჩემს პროფესიას გაყვა და სტიუარდი გახდა.

რა დაემართა, რატომ არის საწოლს მიჯაჭვული?

ლიანა ხითარიშვილი: აფხაზეთში ომის დროს სოხუმის რეისებს ემსახურებოდა, რომლებსაც დაჭრილი მეომრები ჩამოყავდა თბილისში. მასზე ძალიან იმოქმედა ომის საშინელებამ და ფსიქიკური პრობლემები შეექმნა.

მკურნალობდით?

ლიანა ხითარიშვილი: გავყიდე ბინა და აღებული თანხა შვილის მკურნალობას მოვახმარე. ახლა ვცხოვრობთ ნათესავის ბინაში, რომელიც მან უსასყიდლოთ დაგვითმო დროებით სარგებლობაში.

როგორია გიოს მდგომარეობა ამ ეტაპზე?

ლიანა ხითარიშვილი: იგი 54 წლისაა და მისი მდგომარეობა მძიმეა საკმაოდ. გიო საწოლს არის მიჯაჭვული. 2010 წელს ტვინის ინსულტი გადაიტანა. მაშინ მთავრობამ დააფინანსა მისი თურქეთში მკურნალობა, აგრეთვე სარეაბილიტაციო კურსიც.

თავად თქვენი ჯანმრთელობის მდგომარეობა როგორია ამ ეტაპზე?

ლიანა ხითარიშვილი: მე ჩემს თავზე არც კი ვფიქრობ. მადარდებს ჩემი შვილის მომავალი და ძალიან განვიცდი.

რა გესაჭიროებათ ამჟამად ყველაზე მეტად?

ლიანა ხითარიშვილი: მედიკამენტები, საკვები პროდუქტები, ჰიგიენური საშუალებები. პენსია და მიზერული სოციალური შემწეობა - აი ეს არის ჩვენი შემოსავალი. ძალიან მჭირდება დახმარება. გთხოვთ არ დაგვტოვოთ მარტო!

მეგობრებო, ლიანა ხითარიშვილს და მის ვაჟს ჩვენი თანადგომა ესაჭიროება. მოდით, გულთან ახლოს მივიტანოთ მათი პრობლემები და გავუწოდოთ დახმარების ხელი!

ჩერნოვეცკის ფონდის ანგარიშია: GE15TB7194336080100003 ან GE64BG0000000470458000 (დანიშნულება: ლიანა ხითარიშვილი). თანხის გადარიცხვა შეგიძლიათ ფონდის საიტიდანაც https://chernovetskyifund.ge/ge/projects/466-khitarishvili/?fbclid=IwAR2RNbRGNuKeFUJRULWzE7Mhr_BYgn1vh1iDmZKXzESL0XeO8enDJYiTuHc





მასალის გამოყენების პირობები

სხვა სიახლეები
"როდესაც ადამიანს შეურაცხყოფას მიაყენებ ბოდიში, მაგრამ…" – მაიკო კაჭკაჭიშვილი ნინი ბადურაშვილის სკანდალზე
"ეს ისეთი ემოციური დღე იყო ჩემთვისაც… " - ეკა ბესელიას ვაჟი დაინიშნა
კარგი ამბავი: ცნობილია, როდის დატოვებენ კლინიკას შატილის ავარიას გადარჩენილები
რუსთავის ტბაში თევზები დაიხოცა
ზურაბ დოიჯაშვილის მდგომრეობა დამძიმდა, მომღერალი 5 თვეა მართვით სუნთქვაზეა
"ვეღარ ვაწვდენ ხმას აღარ არსებობს სოცქსელში..." - ნინი ბადურაშვილი ბოდიშს იხდის
საოცარი კადრები - ახალგაზრდა მონაწილემ საცოლეს ხელი სთხოვა პირდაპირ "მასტერშეფის" სტუდიაში სთხოვა
21 სექტემბრის ასტროლოგიური პროგნოზი
მერაბიშვილის გადაწყვეტილება, არ იყოს პოლიტიკაში, არის სწორი - მიხეილ სააკაშვილი
"ყოველთვის მოვიხდი ბოდიშს და ბოდიში არასდროს არის გვიან" - მიხეილ სააკაშვილი
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42
თამო ვაშალომიძე შეყვარებულია - მისი ახალი რჩეული ახალგაზრდა ბიზნესმენია
დღეს, 02:42