ახალგაზრდა პროგრამისტის ბურუსით მოცული საქმე - შინაგან საქმეთა სამინისტროში ბაჩალიაშვილებისა და მათი ადვოკატის შეხვედრა დასრულდა.

როგორც ადვოკატი მიხეილ რამიშვილი ამბობს, თანხა, რომელიც თამარ ბაჩალიაშვილს საბანკო ანგარიშზე ჰქონდა, სახელფასო ტრანზაქციებია.

"მისი ხელფასებიდან ტრანზაქციები განხორციელებულია, იგი აგროვებდა თანხას, რომ სასწავლებლად საზღვარგარეთ წასულიყო. საუბრები იყო, რომ ვითომ ჩარიცხულია დიდი რაოდენობის თანხა, ეს სიმართლეს არ შეესაბამება. როგორც ექსპერტიზით დამტკიცა, ფურცელზე წარწერა თამარისია, მაგრამ, გამოსაკვლევია, როდის დაიწერა. ყველა საგამოძიებო მოქმედება დაჩქარებული წესით უნდა განხორციელდეს", - ამბობს მიხეილ რამიშვილი.