„23 წლის ბიჭი ვარ და მგონი, ბისექსუალი ვარ. ეს ეჭვი იმიტომ მაწუხებს, რომ ქალებთან მაქვს კონტაქტი და პარალელურად, მამაკაცებზეც მეფიქრება. მინდა, ყოველივე ავუხსნა ჩემს ოჯახს, მაგრამ მეშინია, რომ ჩემი ჰომოფობი მამა ამას ვერ გაიგებს. არც ის მინდა, რომ მოვატყუო მშობლები, მე ჯერაც მათთან ერთად ერთ ჭერქვეშ ვცხოვრობ.
საქმე იმაშია, რომ ერთ გოგოსთან მქონდა ურთიერთობა და მან სქესობრივი კონტაქტის დროს ისეთი რაღაცეების გაკეთება მაიძულა, რომ მას შემდეგ გოგონების მიმართ ლტოლვა აღარ მქონდა.
ამ გოგონასთან შეხვედრამდე მქონდა გარკვეული არატრადიციული ფანტაზიები, თუმცა ქალების მიმართ ინტერესიც გამაჩნდა. მასთან სექსის მერე ცოტა ტრავმირებული ვიყავი. ახლა ვფიქრობ, აღარ მინდა ჩემს საპირისპირო სქესთან ინტიმური ურთიერთობა, თუმცა სულიერი მოთხოვნილება მაქვს, მქონდეს პლატონური კავშირი რომელიმე გოგოსთან.
ადრე სკოლაში დამცინოდნენ და გეის მეძახდნენ, ვიყავი ბულინგის მსხვერპლი და გამიჭირდა ყოველივეს გადალახვა, ახლა კი არ მინდა ისევ ახლიდან დაიწყოს ეს ყველაფერი“.
მასალის გამოყენების პირობები