დონალდ ტრამპმა ამერიკის პრეზიდენტის პოსტის დაკავების შემდეგ პირველად ისაუბრა მეგობრებსა და მათ მიერ დამოკიდებულების ცვლილებაზე. ამის შესახებ მან ვისკონსინის შტატში, ამომრჩეველთან შეხვედრის დროს განაცხადა.

„მე დავკარგე მეგობრები ამ თანამდებობის გამო-ჩვენ შესანიშნავი საუბრები გვქონდა ხოლმე ერთმანეთთან, რის შემდეგაც მე ამერიკის პრეზიდენტი გავხდი, რომლის შემდეგაც ჩემი ძველი მეგობრები მირეკავენ და მეუბნებიან: ბატონო პრეზიდენტო, ხომ არ ინებებთ ერთად გავატაროთ ცოტა დრო, რაზეც მე ვპასუხობ, რომ დამიძახეთ დონალდი, თქვენ მე 30 წელია მიცნობთ, რის შემდეგაც პასუხად ვიღებ, დიდი მადლობა, მადლობა ბატონო პრეზიდენტო“ -აღნიშნა ტრამპმა.

მისი აზრით, ამ ფაქტის გამო მასსა და მის მეგობრებს შორის წარმოიშვა ოფიციალური დამოკიდებულება, რადგან აღნიშნული ხალხი პატივს სცემს პრეზიდენტის ინსტიტუციას, რომელსაც მოწიწებით შეჰყურებენ. აშშ-ს პრეზიდენტის განცხადებით, იგი ახლა უფრო მეტ დროს თავის კონგრესის წევრებთან ერთად ატარებს ვიდრე ძველ მეგობრებთან.