აზერბაიჯანული არმია ყარაბაღში შეტევით ოპერაციებს აქტიურად აგრძელებს, სრული მასშტაბით ჩართულია საარტილერიო და სახმელეთო დანაყოფები. იყენებენ მსხვილკალიბრიან სარაკეტო და საარტილერიო ქვემეხებს, 203 მმ-იანი პიონისა და ზალპური რეაქტიული სისტემა სმერჩ-ების ჩათვლით.

სამხედრო უწყების ოფიციალური პირთა ცნობით, სულ დაჭრილთა და დაღუპულთა რაოდენობა სომეხთა მხარეს 2300 ჯარისკაცს შეადგენს, აგრეთვე განადგურებულია 130 ტანკი, 25-მდე ჰაერსაწინააღმდეგო თავდაცვის სისტემა, 50-მდე ტანკსაწინააღმდეგო კომპლექსი და იარაღის 5 საწყობი.

აზერბაიჯანული მხარე აგრეთვე იუწყება სომხური მე-3 მოტომსროლელი პოლკის, მარტუნის განადგურების შესახებ, რომელიც ხოჯავენის რაიონში იყო დისლოცირებული.

„ შეტევის შედეგად მტერმა უდიდესი დანაკარგები მიიღო, ტექნიკა დამწვარია, პოლკი კი მთლიანად განადგურებულია. აღნიშნული განადგურებული სამხედრო ნაწილის მეთაურობამ სთხოვა სარდლობა სატრანსპორტო საშუალებები მიაშველონ, რათა მოახდინონ დაღუპულთა და დაჭრილთა ევაკუაცია“ - განაცხადა აზერბაიჯანის არმიის პრეს-სპიკერმა, ვაგიფ დარგჰალმა.

თავდაცვის სამინისტრო საკუთარ იუთუბ გვერდზე აქვეყნებს ვიდეოს, სადაც ასახულია უპილოტო კამიკაძე დრონებით სომეხთა სამხედრო ტექნიკის, მათ შორის ტანკების განადგურების კადრები. აღნიშნული შეტევის შედეგად ტ-72-ის ტიპის 5 ტანკი სრულად იქნა განადგურებული.