აზერბაიჯანის პრეზიდენტმა ილჰამ ალიევმა მოსახლეობას მიმართა და განუცხადა მთიან ყარაბაღში დაკავებული ახალი პოზიციების შესახებ.
მისი თქმით, გათავისუფლებულია მთელი რიგი სოფლებიფიზული,ჯაბრაილია და ხოჯავენდის რაიონებში.
აზერბაიჯანული მხარე აგრეთვე იტყობინება ზანგილანის რაიონის დაკავების შესახებ. აღნიშნული ზონა წარმოადგენს უშუალო საზღვარს სომხეთის ტერიტორიასთან, რომლის დაკავების შემთხვევაში აზერბაიჯანულ არმიას შესაძლებლობა ექნება, მთიანი ყარაბაღის მთელი სამხრეთი ნაწილი გააკონტროლოს.
სოციალურ ქსელში აგრეთვე ვრცელდება აზერბაიჯანული არმიის მიერ გადაღებული ვიდეო, სადაც სამხედროები ჩანან დასახლებულ პუნქტ ზანგილანის ფონზე-ისინი მიმართავენ ალიევს და აუწყებენ მისი ბრძანების შესრულებას ზემოხსენებული ტერიტორიიის ოკუპაციისგან გათავისუფლების შესახებ.
როგორც სომხური და რუსული საინფორმაციო პორტალები იუწყებიან, აქტიური ბრძოლები მიმდიანრეობს სწორედ ზანგილანის რაიონში. გავრცელებული ცნობით, სომხური არმია კონტრშეტევაზე გადავიდა და ცდილობენ აზერბაიჯანელთა ალყაში მოქცევას.
მასალის გამოყენების პირობები