დაპირისპირების სერია გრძელდება: მთავარ როლში აქაც ტიკარაძეა - ჯანდაცვის მინისტრი მთავარ ეპიდემიოლოგსაც დაუპირისპირდა

პოლიტიკა - 19:44, 28 Nov, 2020

11754

დაპირისპირების სერია საკოორდინაციო საბჭოში - "ნიუპოსტისთვის" მოწოდებული ინფორმაციით, საქართველოს მთავრობაში, ეპიდემიოლოგებსა და საექსპერტო წრეებში დღითი-დღე იზრდება იმ ადამიანების რაოდენობა, ვინც ჯანდაცვის მინისტრის ეკატერინე ტიკარაძის მუშაობით უკმაყოფილოა.

ტიკარაძემ საგანგებო სიტუაციების კოორდინაციისა და გადაუდებელი დახმარების ცენტრის დირექტორი ავთანდილ თალაკვაძე კონფლიქტის შემდეგ გაათავისუფლა.
მინისტრს უთანხმოება აქვს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელ ამირან გამყრელიძესთანაც.
მეტიც, ტიკარაძე გამყრელიძის წერილებს არც კი პასუხობს. ჩვენი წყარო ყვება, რომ გაბრაზებულმა გამყრელიძემ საკორდინაციო საბჭოს დატოვაბაც კი გადაწყვიტა. ამ შემთხვევაში საქმეში პირადად გახარია ჩაერთო და გამყრელიძეს წასვლა გადააფიქრებინა.

გამყრელიძე არ მალავს, რომ ჯანდაცვის სისტემა და ჰოსპიტალური სექტორი გამოწვევებს ვერ პასუხოსბს.

სავარაუდოდ, სწორედ მინისტრის მიმართ დაგროვილი კითხვის ნიშნნები გახდა პრემიერ გახარიას გაღიზიანების მიზეზიც, რომელმაც არსებული ინფორმაციით, ტიკარაძეს წყლის ბოთლიც კი ესროლა.