ხარისხიან ორთოპედიულ პროდუქციას ეძებთ? მაშინ თქვენთვის კარგი ამბავი გვაქვს: “ახალი ხედვა” ზუსტად ის კომპანიაა, რომელიც გჭირდებათ. რატომ? მიზეზი მარტივია: კომპანია საერთაშორისო ბაზარზე ცნობილ, ექსკლუზიურ ბრენდებს გთავაზობთ, თან - ხელმისაწვდომ ფასებში. “ახალ ხედვას” 8 წლიანი გამოცდილება აქვს და საქართველოს მასშტაბით 16 ორთოპედიული მაღაზიითაა წარმოდგენილი. კომპანიის მთავარი უპირატესობა მომხმარებლების მიმართ დამოკიდებულებაა: თქვენს ნებისმიერ კითხვას კომპეტენტური კონსულტანტები უპასუხებენ, არა მარტო ფილიალებში, არამედ სატელეფონო საუბრის დროსაც. გარდა ამისა, სასურველი ინფორმაციის მიღება ფეისბუქის გვერდისა და ვებ-გვერდის დახმარებითაც შეგიძლიათ. პროდუქციის შეძენა შესაძლებელია როგორც ფიზიკურ ლოკაციებზე, ასევე ონლაინ გამოწერის საშუალებით.

რა ორთოპედიულ პროდუქტებს გვთავაზობს ახალი ხედვა?

რა არის ორთოპედია? - მედიცინის დარგი, რომელიც საყრდენ-მამოძრავებელ სისტემას შეისწავლის. განვიხილოთ “ახალი ხედვის” რამდენიმე პროდუქტი და მათი დანიშნულება:

კისრის ფიქსატორები - ზოგიერთი მათგანი სარელაქსაციოდ და ტკივილის მოსახსნელად გამოიყენება (მაგ.: კისრის გასაბერი საყელო), თუმცა არსებობს სპეციალური საშუალებებიც, რომლებიც კისრის მძიმე ტრავმების ან დაავადებებისთვისაა განკუთვნილი (მაგ.:კორსეტები, სტაბილიზატორი და ა.შ.).

მენჯ-ბარძაყის ფიქსატორები - ორთეზები მენჯ-ბარძაყის არეში ჩატარებული ოპერაციების შემდგომ სწრაფ რეაბილიტაციას უზრუნველყოფს და განმეორებითი დაზიანებისგანაც იცავს, ბანდაჟები კი გამოიყენება სპორტული ტრავმების, საზარდულის თიაქრის ან სხვა დაზიანებების შემთხვევაში.

მუხლის ფიქსატორები - სტანდარტული ფიქსატორი ოსტეოართრიტის, რევმატოიდული ართრიტის სამკურნალოდ გამოიყენება, მუხლის დამჭერი თბორეგულაციას უზრუნველყოფს და ტრავმის შემდგომ რეაბილიტაციაში ეხმარება, ხოლო ორთეზები კი იდეალური ვარიანტია ოპერაციის შემდგომ პერიოდში.

გარდა ამ პროდუქტებისა, ორთოპედიული მაღაზია “ახალი ხედვა” გთავაზობთ მხრის, იდაყვის, ტერფის, სხივ-მაჯის, თითისა და კოჭის ფიქსატორებს. თითოეული საშუალება უმაღლესი ხარისხის მასალებისგანაა დამზადებული, როგორებიცაა: ნეოპრინი, ღრუბლისებრი ქსოვილი, გაბარდინი და სხვა. ყველაზე მნიშვნელოვანი კი ისაა, რომ პროდუქცია ყველა ზომაში ხელმისაწვდომია - S, M, L, XL, XXL (სურვილის შემთხვევაში, “ახალი ხედვა” პაციენტს უფრო დიდ ზომებსაც სთავაზობს).