სასამართლო თავსაც არ იწუხებს დასაბუთებით - კარტოგრაფების პატიმრობაში დატოვებას ადვოკატები დღეს გაასაჩივრებენ

სამართალი - 09:50, 02 Dec, 2020

911

ივერი მელაშვილისა და ნატალია ილიჩოვას უფლებადამცველები დღეს სააპელაციო სასამართლოს მიმართავენ და საქალაქო სასამართლოს მიერ ორი დღის წინ მიღებულ გადაწყვეტილებას გაასაჩივერებენ.

მათი განცხადებით, მოსამრთლის გადაწყვეტილება პოლიტიკურად მოტივირებულია და კარტოგრაფები ხელისუფლებას მძევლებად ჰყავს აყვანილი, რადგან ვერ ასაბუთებს, რატომ დარჩნენ ისინი პატიმრობაში:

"გავასაჩივრებთ სასამართლოს გადაწყვეტილებას ბრალდებულების აღკვეთის ღონისძიებაში დატოვებასთან დაკავშირებით. სასამართლომ ჩვენს 30-გვერდიან დასაბუთებას, თუ რატომ უნდა გამოსულიყვნენ კარტოგრაფები ციხიდან უპასუხა 3-გვერდიანი ფარატინა განჩინებით, სადაც მხოლოდ ნახევარი გვერდი ეთმობა იმ არგუმენტების წარმოდგენას (თუ არგუმენტებს დავარქმევთ მათ), თუ რატომ დატოვე მელაშვილი და ილიჩოვა პატიმრობაში. აბსტრაქტული და თეორიული არგუმენტები, რაც, რა თქმა უნდა, კიდევ ერთხელ მიანიშნებს იმას, რომ სასმართლო თავსაც კი არ იწუხებს, რომ დაასაბუთოს ასეთ მნიშვნელოვან საქმეზე ბრალდებლების პატიმრობაში დატოვება", - ამბობს ივერი მელაშვილის ადვოკატი, ედუარდ მარიკაშვილი.

შეგახსენებთ, რომ აზერბაიჯანთან საზღვრის დადგენის კომისიის წევრები ილიჩოვა და მელაშვილი 7 ოქტომბერს დააკავეს და მათ გამოძიება ქვეყნის ტერიტორიების წინააღმდეგ ჩადენილ ქმედებებს ედავება.