კოსმოსური ხომალდების მწარმოებელი ამერიკული კომპანია, SPACEX-ისა და STARLINK-ის ხელმძღვანელმა, ილონ მასკმა განაცხადა, რომ მისი კომპანია მარსზე ადამიანებს 2026 წლისთვის ჩაიყვანს. მისი თქმით, სამუშაოები თუ სწორად წავა და გაუმართლებთ, შესაძლოა ეს 4 წელიწადშიც შეძლონ. მან ამერიკულ მედია CNBC-ისთან საუბრის დროს აღნიშნა, რომ ჯერ იგეგმება, უეკიპაჟო კოსმოსური ხომალდი გაუშვან მარსზე მომდევნო ორი წლის მანძილზე.
ზემოხსენებული ამბიციური პროექტი უშუალოდ უკავშირდება SPACEX-ის მიერ STARSHIP-ის კოსმოსური ხომალდის განვითარება-დახვეწაზე. გავრცელებული ინფორმაციით, STARSHIP-მა უნდა შეძლოს 100 მგზავრის გადაყვანა და 100 ტონა ტვირთის აწევა.
უახლოეს ვადებში იგეგმება თანამედროვე ტიპის ხომალდის გამოცდა, რომლის მიზანია 15 კილომეტრ სიმაღლეზე იქნეს გატესტილი მისი ფრენა. მასკის თქმით, მაშინ როდესაც მარსისა და დედამიწის ორბიტები ერთმანეთს გაუსწორდებიან, რომელიც სავარაუდოდ 2024 წლისთვის მოხდება, შესანიშნავი მომენტი და შესაძლებლობა იქნება STARSHIP-ის ორბიტაზე გასასვლელად . აგრეთვე ითქვა იმ ფაქტის შესახებაც, რომ მარსზე მოგზაორბა იქნება რთული და სახიფათოც, სადაც ეკიპაჟის წევრების სიცოცხლეც შეიძლება ბოლომდე ვერ იქნეს დაცული.
მასალის გამოყენების პირობები