პოლიტიკოსმა, რომელსაც ნაცისტური გერმანიის ფიურერის პატივსაცემად დაარქვეს ადოლფ ჰიტლერი, გაიმარჯვა ნამიბიის ადგილობრივ არჩევნებში. იგი აცხადებს, რომ მიუხედავად მისი სახელისა, მას არ გააჩნია მსოფლიო ბატონობის გეგმები.

ადოლფ ჰიტლერ უუონამ 85 %-ით გაიმარჯვა გერმანიის ყოფილ კოლონიაში, რომელიც ჯერ კიდევ წარმოადგენს პატარა გერმანულენოვანი საზოგადოების სახლს, სადაც ქუჩები, ადგილები და უშუალოდ ადამიანები ატარებენ გერმანულ სახელებს.

ჰიტლერმა საკანონმდებლო ორგანოში მოიპოვა ერთ-ერთი ადგილი პარტია “SWAPO”-ში, რომელიც მართავს ნამიბიას 1990 წლიდან.

პოლიტიკოსის თქმით, მას მამამისმა სახელი ნაცისტური გერმანიის ლიდერის პატივსაცემად დაარქვა, თუმცა არც კი იცოდა, თუ რა ღირებულებების მატარებელი იყო ფიურერი.

„ბავშვობაში ამ სახელს სავსებით ნორმალურად აღვიქვამდი. როდესაც გავიზარდე, გავაცნობიერე, რომ ამ კაცს მსოფლიოს დაპყრობა უნდოდა“ - აღნიშნა უუნონამ.

შეგახსენებთ, რომ ნამიბია გერმანიის კოლონია იყო 1884 წლიდან პირველ მსოფლიო ომამდე.