"გირჩის" წევრი , ვახტანგ მეგრელიშვილი აცხადებს, რომ პარტიის ლიდერმა, ზურაბ ჯაფარიძემ მათ 2 დღის წინ პირობები წაუყენა, რომელთა შორის ერთ-ერთი იყო მოწევისთვის თავის დანებება.

"მოწევას თავი დაანებეთო, თუმცა სანდრო რაქვიაშვილი არც სიგარეტს ეწევა და არც "პლანს", არ ვიცი ამის მიზეზი რა იყო, ზურა ჯაფარიძეს რომ ნახავთ, ჰკითხეთ. ერთ-ერთი მოთხოვნა იყო, ადამიანებს ნორმალურად ელაპარაკეთო. ასევე, იყო ცენზურაზე დაქვემდებარება. ანუ, ვიღაცას შევუთანხმო, რაღაც საკითხზე ვილაპარაკო და რაღაცაზე არა. სენსიტიურ თემებზე შეწყვიტეთ საუბარიო. შესაძლოა, ამის ერთ-ერთი საბაბი იაგოს განცხადება იყო, თუმცა ძირითადი მიზეზი არ ყოფილა" - თქვა მეგრელიშვილმა პალიტრას ეთერში.