მოსკოვში საჯარო მოხელეებს COVID-19-ის ვაქცინა Спутник V-ს იძულებით უკეთებდნენ

მოსკოვში საჯარო მოხელეებს COVID-19-ის ვაქცინა Спутник V-ს იძულებით უკეთებდნენ - Reuters

COVID-19 - 21:21, 05 Dec, 2020

1294

Reuters-ის ცნობით, რუსეთის დედაქალაქში, მოსკოვის მერის სერგეი სობიანინის განკარგულების თანახმად, საჯარო მოხელეებს რუსულ კოვიდსაწიბააღმდეგო ვაქცინა Спутник V-ს იძულებით უკეთებდნენ. მათ შორის პირველ რიგში არიან ექიმები და მასწავლებლები.

როგორც გაირკვა, ქალაქის ადმინისტრაციამ ყველა დეპარტამენტის თანამშრომლებისთვის სპეციალური ქვოტა დააწესა, რაც საერთო ჯამში 20 000-ს აღემატება.

ამის შესახებ ცნობილი სექტემბრის ბოლოს, მერიის ერთერთი დეპარტამენტის ხელმძღვანელის მიერ თანამშრომლებისთვის მიწერილი წერილიდან გახდა."კოლეგებო!!! ეს რა რის, საბოტაჟი??? ვის მოტყუებას ცდილობთ??? კორონავირუსის ვაქცინა აბსოლუტური პრიორიტეტია!!!" - წერდა ელმძღვანელი თანამშრომლებს.

ეს წერილი მას შემდეგ გავრცელდა, არც გაირკვა, რომ მერიის სამსახურის თანამშრომლები ასეულობით თანამშრომელი გრიპის ვაქცინაციაზე იყო ჩაწერილი. როგორც ცნობილია, გრიპის საწინააღმდეგო ვაქცინის გაკეთების შემდეგმ კორონავირუსის საწინააღმდეგო აცრა მიზანშეწონილი არ არის.

სააგენტოს ცნობით, ანალოგიური ხასიათის წერილები მოსკოვის პოლიკლინიკების თანამშრომლებმაც მიიღეს.

რუსეთის ჯანდაცვის სამინისტრო აღნიშნულ ფაქტს კატეგორიულად უარყოფს.

შეგახსენებთ, რომ 4 დეკემბერს გავრცელებული ოფიციალური ინფორმაციით, მოსკოვში 20 000 ვაქცინირებულისგან კორონავირუსით მხოლოდ 273 ადამიანი დაავადდა, რაც ე.წ. "ნებაყოფლობით" კლინიკურ გამოცდაში მონაწილეთა 1,5 პროცენტს შეადგენს. რუსეთში აცხადებენ, რომ ვაქცინა Спутник V ეფექტურად მუშაობს.