საბედისწერო ზარი - მოსკოვის მახლობლად ოჯახი საკუთარ ავტომობილში ჩაცხრილეს

მსოფლიო - 22:44, 05 Dec, 2020

5288

რუსული მედიის ცნობით, მოსკოვის მახლობლად, დამწვარ სახლში ცოლის, ქმრისა და მათი 16 წლის ქალიშვილის დამწვარი გვამები ნახეს, ხოლო სააგარაკე ნაკვეთთან - დაცხრილული ავტომანქანა.

ახლობლების ინფორმაციით, ოჯახის წევრები რამდენიმე დღის განმავლობაში არ პასუხობდნენ ზარებსა თუ მოკლე შეტყობინებებს.

რუსეთის საგამოძიებო კომიტეტის ინფორმაციით, სამმაგი მკვლელობა წინასწარ იყო დაგეგმილი. ოჯახს მკვლელობის დღეს სააგარაკე ამხანაგობიდან შეატყობინეს, რომ მათი სახლი დაიწვა. როდესაც ოჯახის წევრები ადგილზე ჩავიდნენ, ბოროტმოქმედებმა ისინი ავტომანქანაში ჩაცხრილეს, შემდეგ გვამები სახლში შეიტანეს და ცეცხლი წაუკიდეს.

რუსეთის შსს-ს ინფორმაციით, დანაშაულის ჩამდენი 2 მოსკოველი და 1 სოლნეჩნოგორსკელი მამაკაცი უკვე დაკავებულია. მათ დანაშაული აღიარეს. მკვლელობის მოტივი მეზობლებს შორის წარმოქმნილი კონფლიქტი გახდა. მედიაში გავრცელებული ინფორმაციით, დაღუპულებმა გაზაფხულზე მეზობლებს, რომელბმაც სააგარაკე ნაკვეთზე ცხენები, კურდღლები და ბატები მოაშენეს, ადგილობრივ ხელისუფლებაში უჩივლეს საშინელი სუნისა და ანტისანიტარიის გამო. ხელისუფლების წარმომადგენლებმა ადგილზე უამრავი დარღვევა აღმოაჩინეს და ბრალდებულებს დიდი ოდენობით ჯარიმები გამოუწერეს.