სოფელ გუმათში რკინის კედელი აიღეს, თუმცა, ჯებირები ჯერ კიდევ დარჩა. რიონის ხეობის მცველების სამი პირობიდან ხელისუფლებამ ჯერჯერობით მხოლოდ ერთი და ისიც სანახევროდ შეასრულა.

"ნახევრად კედლის აღება არ ცვლის ჩვენთვის არაფერს. ვითხოვთ აქ გადაადგილების უფლებას და ნამოხვანში, ჩვენი პროტესტის ძირითად ადგილას დაბრუნებას" - აცხადებს ვარლამ გოლეთიანი.

რიონის ხეობის მცველები ხელისუფლებისგან ყველა წაყენებული პირობის შესრულებას ითხოვენ და ელოდებიან, წინააღმდეგ შემთხვევაში პროტესტის გაგრძელებას თბილისში აპირებენ.

იმერეთში სახელმწიფო რწმუნებულმა ზვიად შალამბერიძემ განაცხადა, რომ რკინის კედლის გზის სავალი ნაწილიდან აღების შემდეგ დანარჩენი ბარიერების მოხნსაც იგეგმება.