Reuters-ის ინფორმაციით, აშშ-ში კორონავირუსის საწინააღმდეგო ვაქცინის მინიმუმ ერთი დოზა ზრდასრული მოქალაქეების 50.4%-ს აქვს გაკეთებული.

ქვეყანაში, საერთო ჯამში, ვაქცინების 209 406 814 დოზაა გამოყენებული. აქედან სულ მცირე ერთი დოზა 131 247 546 ადამიანს მიღებული, სრულად ვაქცინირებული კი 84 263 40 მოქალაქეა.

აშშ-ში ვაქცინაცია Pfizer /BioNTech-ის, Moderna-სა და Johnson & Johnson-ის ვაქცინებით მიმდინარეობს, თუმცა, ამ უკანასკნელის გამოყენება რამდენიმე დღის წინ დროებით შეჩერდა, რისი მიზეზიც 6 ვაქცინირებულ მოქალაქეში თრომბის განვითარების ფაქტი გახდა, რომელსაც შესაბამისი სამსახურები იკვლევენ.