სტოლტენბერგს, რომელიც პოსტს 2014 წლის ოქტომბრიდან იკავებს, უფლებამოსილების ვადა 2022 წლის სექტემბრის ბოლოს გასდის.
Politico-ს ინფორმაციით, ოფიციალური პირები, დიპლომატები და ანალიტიკოსები ამბობენ, რომ უკვე დროა, ალიანსის დაარსებიდან 72 წლის თავზე, NATO-ს გენერალური მდივნის პოსტზე ქალი კანდიდატი დაინიშნოს. ამასთანავე, მათ მიაჩნიათ, რომ რუსეთთან მზარდი დაპირისპირების ფონზე, სასურველია ეს კანდიდატი იყოს აღმოსავლეთ ევროპიდან, რაც სერიოზული სიგნალი იქნება მოსკოვისთვის.
ამ ორი კომპონენტის გათვალისწინებით განიხილება სამი კანდიდატი ლიეტუვას ყოფილი პრეზიდენტი დალია გრიბაუსკაიტე, ხორვატიის ყოფილი პრეზიდენტი კოლინდა გრიბარ-კიტაროვიჩი და ესტონეთის მოქმედი პრეზიდენტი კერსტი კალულაიდი.
ამ კუთხით ექსპერტები ორ ნაწილად არიან გაყოფილი. ერთნი ფიქრობენ, რომ გენმდივნის პოსტზე ბალტიის ქვეყნების წარმომადგენელი, კერძოდ, დალია გრიბაუსკაიტე უნდა იყოს, ხოლო სხვები აცახდებენ, რომ ეს იქნება ძალიან გამომწვევი განაცხადის რუსეთის მიმართ, იმ დროს, როცა ჯო ბაიდენი პუტინთან რუსეთისა და დასავლეთის ურთიერთობების დალაგებას ცდილობს.
მასალის გამოყენების პირობები