მარტოხელა მამებს სტატუსი ოფიციალურად მიენიჭებათ და მათზე ყველა ის მხარდამჭერი სახელმწიფო ბერკეტი იმოქმედებს, რაც მარტოხელა დედების შემთხვევაში მუშაობს - ამის შესახებ პარლამენტში გენდერული თანასწორობის საბჭომ იმსჯელა.

"დღესდღეობით, მარტოხელა მშობლის სტატუსი ადამიანების ძალიან ვიწრო წრეს ფარავს, მათ შორის, არ ფარავს მარტოხელა მამებს და ვრცელდება მხოლოდ დედებზე, გამომდინარე იმ კონკრეტული კრიტერიუმებიდან, რის მიხედვითაც ამ სტატუსის მინიჭება ხდება. ასევე, არ ფარავს ბევრ სხვა შემთხვევას, რომელიც, გარკვეულწილად, განპირობებულია საზოგადოებაში მარტოხელა მშობლის სტიგმატიზებიდან გამომდინარე“, - აღნიშნა საბჭოს თავმჯდომარე ნინო წილოსანმა.