ენმ-ს წევრი ლევან ხაბეიშვილი ოცნების მხრიდან 19 აპრილის შეთანხმების ანულირება მოსალოდნელ რეპრესიებს დაუკავშირა. მისი განმარტებით, ეს არის მცდელობა, თვითმმართველობის არჩევნებში ნებისმიერი შედეგის შემთხვევაში მმართველი პარტია ისევ ხელისუფლებაში დარჩეს და საზოგადოება ტერორში ამყოფოს:

"ქართულმა ოცნებამ, მისმა ე.წ. ლიდერებმა ნახეს, რომ 43%-ის კი არა 40%-ის აღების შესაძლებლობაც კი არ აქვთ. ფაქტობრივად, ყველა კვლევა აჩვენებს, რომ 32%-ზე მეტი მხარდაჭერა არცერთ რეალობაში არ ექნებათ.

საზოგადოებამ მარტივი რამე უნდა იცოდეს - ამ გადაწყვეტილებით მათ დააანონსეს რეპრესიები. თუ 43%-ის შემთხვევაში ადამიანებს ვერ შეაშინებდნენ და ის ადამიანები იფიქრებდნენ, რომ თუ 43%-ს ვერ იღებს ქართული ოცნება, მაშინ რიგგარეშე არჩევნებია, ეს იმდენად მნიშვნელოვანია, რომ ზეწოლის ქვეშ არ მოექცეოდა ადამიანი.

ახლა გააკეთეს გზავნილი, რომ ვისაც დაგაშინებთ, ვისაც ვალდებულებას აგაღებინებთ, ვისაც ფულს გადაგიხდით და მოგქრთამავთ, ვერც ერთი მოიტყუებით და თუ მოიტყუებით, ჩვენ კიდევ ვიქნებით ხელისუფლებაში და მოგთხოვთ პასუხს... ირაკლი კობახიძემ რეგიონებში მის კოორდინატორებს გაუხსნა ხელ-ფეხი, რომ ეხლა მიბრძანდებით ყველა ოჯახში, შეაშინებთ და ეტყვით: 43% კი არა სულ რომ 30% ავიღოთ, მთავრობაში ჩვენ ვიქნებით და ამიტომ რასაც გეტყვით იმას გააკეთებთ", - აცხადებს ხაბეიშვილი.