Stack-ის დახმარებით ყოველდღიურად საჭირო სამუშაო, სალაპარაკო და გასართობი აპლიკაციების ორგანიზებულად დახარისხება ე.წ. სთექებში, ანუ დასტებში მნიშვნელოვნად მარტივდება.

ერთ დასტაში მოთავსებული აპლიკაციები ერთდროულად ჩნდება ეკრანზე და მათი ერთდროულად გამოყენება ტაბების მუდმივ ცვლას არ საჭიროებს.

შესაძლებელია ერთი ისეთი დასტის ქონაც, სადაც თქვენი ყველა სოც-ქსელი ერთად მოიყრის თავს.

მომხმარებელს შეუძლია ერთ დასტაში გააერთიანოს ვიდეო გაკვეთილი და ბლოკნოტი, რომელშიც საკვანძო საკითხებს ჩაინიშნავს ან ცალკეულ დასტებში, სხვადასხვა პროექტისთვის საჭირო მასალები და აპლიკაციები მოაქციოს და ერთმანეთისგან გამოყოს.

მათთვის, ვინც სხვადასხვა წყაროდან ერთდროულად იძიებს ინფორმაციას და ხშირად ახალ გვერდს ხსნის დროებით, Stack-ს განსაკუთრებული “Ghost” ფანჯრები აქვს, რომელიც ერთი ღილაკით, ერთდროულად იხურება და ყურადღებაც ისევ ყველაზე საჭირო აპლიკაციებს უბრუნდება.

„განსაკუთრებით მნიშვნელოვანია, რომ მუშაობისას Stack-ში ერთი აპლიკაციის მთელს ეკრანზე გაშლა, ყველა სხვა აპლიკაციიდან მოსული შეტყობინებების ერთი ღილაკით გათიშვა და კონცენტრაციის სრულად, მთავარ საქმეზე ფოკუსირება საკმაოდ მარტივია. Stack-ის ეს და სხვა ფუნქციები, რომელიც ინტერნეტთან მუშაობის პროდუქტიულობას ერთიორად ზრდის, მომხმარებლებთაბ მჭიდრო კომუნიკაციისა და ხედვების გაცვლის შედეგად არის შექმნილი. ასეთ მომხმარებლებს შორის არიან პროექტის მენეჯერები, დიზაინერები, მარკეტინგის სპეციალისტები, მცირე და საშუალო ბიზნესის ხელმძღვანელები და სხვა ადამიანები, რომელთათვისაც ორგანიზებული სამუშაო გარემო და ინტერნეტთან ეფექტური ურთიერთობა მნიშვნელოვანია“,- ამბობენ გუნდში, რომელსაც ქართული სტარტაპ ეკოსისტემისა და ინტერნეტის მოხმარების პროდუქტიულობის ზრდისთვის მომავალშიც დიდი გეგმები აქვს.

სთექი ახალი, ინოვაციური და რაც მთავარია, ქართული პროდუქტია ინტერნეტ სამყაროში, რომელიც მოგცემთ საშუალებას ‘’ახლიდან შეიყვაროთ თქვენი კომპიუტერი’’.