ხმაური ცესკოს სხდომაზე - თამარ ჟვანიამ ოპოზიციას მარნეულის დაპირისპირებაზე საუბრის საშუალება არ მისცა

პოლიტიკა - 15:07, 30 Sep, 2020

955

ხმაური მოჰყვა ცოტა ხნის წინ ცესკოში გამართულ შეხვედრას. ცენტრალური საარჩევნო კომისიის წევრი „ნაციონალური მოძრაობიდან“ თინა ბოკუჩავა და პლატროფმა 2020-ის წარმომადგენელი კომისიის თავმჯდომარეს თამარ ჟანიას გუშინ მომხდარი ინციდენტის შეფასებას სთხოვდა.მიუხედავად იმისა, რომ დღევანდელი სხდომის დღის წესრიგში არ იდგა მარნეულში განვითარებული მოვლენების განხილვა, ოპოზიციისა და სამოქალაქო სექტორის წარმომადგენლების მხრიდან მაინც იყო მოლოდინი, რომ თამარ ჟვანია გარკვეულ კომენტარს მაინც გააკეთებდა გუშინდელ ინციდენტზე და შეაფასებდა საერთო მდგომარეობას.

უფრო მეტიც, ჟვანიამ ოპოზიციასა და სამოქალაქო სექტორს კითხვის დასმის საშუალება არ დაუტოვა.

სხდომის დამთავრების შემდეგ გუშინდელ ფიზიკურ დაპპირისპირებაზე საუბარი სცადა კომისიის წევრმა „ნაციონალური მოძრაობიდან“, თუმცა მისი სიტყვით გამოსვლის შემდეგ თამარ ჟვანიამ საკონფერენციო ოთახი მალევე დატოვა.

"ძალადობა დაიწყო იმ გარემოებით, რომ საოლქო საარჩევნო კომისია რ აცნობდა მასალებს ჩვენი საოლქო კომისიის წევრს, ლაშა ქველაძეს, რომელიც შემდეგ გახდა თავდასხმის ობიექტი. ცესკოს, ბიძინა ივანიშვილი და მისი სპეცსამსახურები იყენებენ, როგორც გაყალბების მექანიზმს და არა როგორც თავისუფალი და სამართლიანი არჩევნების გარანტს,“ - განაცხადა თინა ბოკუჩავამ.

შეგახსენებთ, რომ გუშინ მარნეულში მომხდარი დაპირისპირების მიზეზი საოლქო კომისიებში აქეტივისტების გამწესება გახდა. აღნიშნული ფაქტი ოპოზიციის წარმომადგენლებმა გააპროტესტეს, რის შემდეგაც სიტყვიერი შელაპარაკება ხელჩართულ ჩხუბში გადაიზარდა.

„ნაციონალური მოძრაობისა“ და სამოქალაქო სექტორის წარმომადგენლები გუშინდელ დაპირისპირებაში პასუხისმგებლობას ხელისუფლებას აკისრებენ.