საავტომობილო გზაზე გაჩერებული მანქანიდან, დედამ ტყუპი გოგონები მოსაშარდად გადაიყვანა, მათ მანქანა დაეჯახათ, ერთ–ერთი ადგილზე დაიღუპა, მეორე კი სამედიცინო დაწესებულებაში გადაიყვანეს.
ბავშვებს მცირედი ინტერვალით ორი სხვადასხვა ავტომობილი დაეჯახათ. შემთხვევა ორშაბათს, დილის 07:30 საათზე, მერილენდში მოხდა.
გამომძიებლების განცხადებით, მაშინ, როცა ოჯახი ერთი ქალაქიდან მეორეში გადაადგილდებოდა, ბავშვებს ბუნებრივი მოთხოვნილების დაკმაყოფილება მოუნდათ, საჭესთან მჯდომმა დედამ კი ავტომობილი სავალი გზის მარჯვენა ნაპირზე გააჩერა და მანქანიდან ტყუპი გოგონები და მათი ბიძაშვილი გადავიდნენ. ბავშვები უფროსებს ხელიდან დაუსხლტნენ და გზაზე გადარბენა სცადეს, უბედური შემთხვევა სწორედ აღნიშნულ დროს მოხდა.
სამართალდამცავების განცხადებით, მომხდარ ტრაგედიაში მძღოლები დამნაშავეები არ არიან და მათ პატიმრობა არ ემუქრებათ.
მასალის გამოყენების პირობები