ორი დღის ჩვილ გოგონას სახრახნისით 100 ჭრილობა მიაყენეს და მისი ცხედარი ხრამში გადააგდეს. შემთხვევა ინდოეთის ერთ–ერთ სოფელში მოხდა და ეს არ არის პირველი სასტიკი ფაქტი .

ინფორმაციას აღნიშნულის შესახებ Daily Mail ავრცელებს.

ადგილზე მისულ სამართალდამცავებს, ახალშობილის სხეული პლედში გახვეული დახვდათ. თავდაპირველად იყო ვარაუდი, რომ ბავშვს თავს გარეული ცხოველი დაესხა, მაგრამ ცხედარზე ჩატარებულმა ექსპერტიზამ აჩვენა, რომ მას ჭრილობები სახრახნისით მიაყენეს.

სამართალდამცავები ვარაუდობენ, რომ ბავშვი მკვლელობამდე სახლის პირობებში დაიბადა. უკანასკნელი ორი კვირის მანძილზე კიდევ ორი მსგავსი შემთხვევა დაფიქსირდა ამ რაიონში.