ხატია მუკბანიანს უკვე 1 კვირაა, სიცხე აქვს და 17 წლის მეგობართან ერთად საკუთარი სახსრებით ნაქირავებ ბინაში იმყოფება. მისი თქმით, მასაც და მეგობარსაც კორონავირუსის სიმპტომები აქვთ.

ხატიას თქმით, რამდენჯერმე სცადა დარეკვა როგორც 112-ზე, ისე 144-ზე და ჯანდაცვის სამინისტროშიც, თუმცა, მათგან მიიღო პასუხი, რომ ოჯახის ექიმი თავადად დაუკავშირდებოდა, თუმცა არავინ დაკავშირებია. ის ამბობს, რომ არც კი იცის რა პრეპარატები მიიღონ, ამიტომ ითხოვს ოჯახის ექიმთან დაკავშირებით, თუმცა უშედეგოდ.

მას 112-ში ურჩიეს , რომ საკუთარი სახსრებით კორონავირუსის ტესტი გაეკეთებინა, რაც თავის მხრივ ფინანსურ სახსრებთანაა დაკავშირებული.

"ველოდებით ოჯახის ექიმი როდის დაგვიკავშირდებოდა, მაგრამ, რა თქმა უნდა, არ დაგვიკავშირდა. მერე მე მოვითხოვე ტელეფონის ნომერი, რომ მე მაინც დავუკავშირდე ოჯახის ექიმსთქო, მომცეს არასწორი ნომერი, რომელზეც ზარი საერთოდ არ გადიოდა. შემდეგ მითხრეს, რომ გამოგვიგზავნიდნენ სასწრაფო დახმარებას, ეგეც არ მოვიდა.

პრეპარატები რა უნდა მივიღოთ, ეგეც არ ვიცით. მაგიტომ მინდოდა ექიმთან გასაუბრება, რომ იქნებ რაღაც მაინც ერჩიათ ჩვენთვის, რა აგავკეთოთ და რა მივიღოთ.20 წლის ვარ და ჩემი მეგობარი არის 17 წლის. არ ვიცით მედიცინის მაგდენი. ის მაინც გააკეთონ, რომ გვითხრან, რა პრეპარატი მივიღოთ. ელემენტარული, მაგაზე მაინც მოგვაქციონ ყურადღება და ელემენტარული, იზრუნონ იმაზე, რომ საცხოვრებელი ადგილი შეგვიქმნან და ასე, ყოველდღიურად, მეგობრებს ბინის თანხა არ გვიხადონ", - ამბობს ხატია მუკბანიანი "მთავარ არხის" ეთერში.