ენერგოეფექტურობა – ყველა ოჯახის საზრუნავი გაძვირებული ენერგომატარებლების პირობებში

ელექტროენერგია და გაზი მთელ მსოფლიოში, მათ შორის საქართველოშიც, ძვირდება. შესაბამისად, ყველა ვზრუნავთ იმაზე, როგორ გავხადოთ უკვე აშენებული სახლი ენერგოეფექტური, ან როგორ ავაშენოთ ენერგოეფექტური სახლი.

თბოიზოლაცია საჭიროა როგორც თბილი, ისე მკაცრი კლიმატის პირობებში – თავი უნდა დავიცვათ როგორც სიცხისგან, ისე სიცივისგან.

წარმოებული სითბოს დანაკარგი ძველ კორპუსებში 30-40%-ს შეადგენს. ტრადიციული სამშენებლო მასალები ვერ ინარჩუნებს სითბოს. სწორედ ამიტომ დგება თბოიზოლაციის აუცილებლობა.

თბოიზოლაციის დანიშნულებაა: შექმნას შენობაში კომფორტული მიკროკლიმატი, შეამციროს სითბოს დანაკარგი და შეზღუდოს ზედმეტი სიცხის შემოსვლა გარედან.

თბოიზოლაციას დადებითი გვერდითი ეფექტიც აქვს – ის ხმასაც ახშობს და შენობაში, სადაც ეს მასალაა გამოყენებული, გარედან ნაკლებად აღწევს ზედმეტი ხმაური. ეს კი უფრო მყუდროსა და კომფორტულს ხდის შენობას საცხოვრებლად.

თბოიზოლაციის უზრუნველსაყოფად სხვადასხვა მასალა გამოიყენება კედლებსა და ჭერზე. ასევე, განსხვავებული მასალები გამოიყენება ინტერიერისა და ექსტერიერის მხრიდან.

თბოსაიზოლაციო მასალების შერჩევისას განსაკუთრებული მნიშვნელობა აქვს მის გამძლეობასა და ეფექტიანობას. ეს ისეთი მასალაა, რომელიც ათწლეულები უნდა ემსახუროს შენობას.

IZOCAM სამშენებლო მასალების ამ სეგმენტში ერთ-ერთი მოწინავე ბრენდია და პროდუქციის ფართო არჩევანით არის წარმოდგენილი სამშენებლო და სარემონტო მასალების მეგაცენტრ  „ნოვაში“. აქ ნახავთ როგორც ტიხრის მინაბამბებსა და ქვაბამბებს, ისე ჭერის დასათბუნებელ თბოსაიზოლაციო პანელებს, რულონებს, მათ შორის ფოლგით და ფოლგის გარეშე. მოკლედ, აქ იმდენად დიდი არჩევანია, რომ შეუძლებელია,  სასურველი მასალა ვერ შეარჩიოთ.

ყველაფერს ყველგან ვერ გამოიყენებთ, მასალების ნაირსახეობა იმიტომ არსებობს, რომ მათ სპეციფიკური დანიშნულება აქვს. მაგალითად, დაუშვებელია ფასადის თბოიზოლაციის ინტერიერში გამოყენება და პირიქით. ამიტომ, თუ თქვენ თავად აპირებთ საჭირო მასალის შერჩევასა და შეძენას, „ნოვას“ კონსულტანტები ყველა აუცილებელ რჩევას მოგცემენ და ზუსტად იმ მასალას შეგარჩევინებენ, რომელიც თქვენს მოთხოვნებს იდეალურად შეესაბამება.

გარდა თბოიზოლაციისა, აქვე შეგიძლიათ ხმის საიზოლაციო მასალებიც შეიძინოთ.

ენერგოეფექტურობის უზრუნველსაყოფად საკმარისი არ არის მხოლოდ კედლებისა და ჭერის დათბუნება. გათბობის ხარჯების შემცირებაში განსაკუთრებული მნიშვნელობა აქვს მილების იზოლაციას. გათბობის მილები, რაც არ უნდა მაღალი ხარისხის პლასტიკატისგან იყოს დამზადებული, მაინც ცხელდება, რაც იმას ნიშნავს, რომ რადიატორში მოხვედრამდე გზაში წყალი გარკვეულ ტემპერატურას დაკარგავს. მართალია, ყველასთვის კარგად არის ცნობილი ფიზიკის ერთ-ერთი ჭეშმარიტება, რომ სამყაროში ენერგია არ იკარგება, მაგრამ ჩვენ გათბობის ქვაბსა და სისტემას სამყაროს გასათბობად ნამდვილად არ ვყიდულობთ და ვამონტაჟებთ სახლში.

შესაბამისად, გათბობის მილების დამონტაჟებამდე აუცილებელია მათი შეფუთვა სპეციალური საიზოლაციო მასალებით, რომლებიც „ნოვაში“, ასევე, IZOCAM-ის სახელით არის წარმოდგენილი და ხანგრძლივი მომსახურების ყველა მახასიათებელი და თვისება აქვს.

ასე რომ, თუ ჯერ არ მიგიქცევიათ ყურადღება თქვენი სახლის ენერგოეფექტურობისადმი, კარგად აწონ-დაწონეთ, რამდენად წაგებიანია გათბობასა და გაგრილებაში გაწეული დანახარჯების 30-40%-ით ჰაერში გასროლა და დაიწყეთ ზრუნვა უკეთეს, ეკონომიურ მომავალზე – თბოიზოლაციაში გაწეულ დანახარჯებს ეკონომია აუცილებლად მალე აგინაზღაურებთ.