რა უნდა ვიცოდეთ იატაკის გათბობის შესახებ

იატაკის გათბობა დღითი დღე უფრო მოთხოვნადი ხდება. მისი მთავარი უპირატესობაა ტემპერატურის თანაბარი გადანაწილება ოთახის მთელ ფართობზე.

არსებობს წყალზე და ელექტრო სისტემაზე მომუშავე თბილი იატაკები. წყლის სისტემებში წყალი ცირკულირებს მილების მეშვეობით. მისი მუშაობის პრინციპი შემდეგია: წყალი თბება ცენტრალურ ქვაბში, მოძრაობას იწყებს მილების საშუალებით და გამოყოფს სითბოს ნაკადს. შემდგომ უკან მიედინება (უბრუნდება ქვაბს), კვლავ თბება და მიედინება მილებში.

წყლის გამაცხელებლის ელემენტებია:

● პოლიპროპილენის ან მეტალოპლასტმასის მილები;

● სარქველები;

●  ტემპერატურული კონტროლის სისტემა;

●  ზოგჯერ საჭიროა ცირკულაციის ტუმბო და მისი კონტროლის ელემენტები;

წყალზე მომუშავე სისტემის ინსტალაცია შრომატევადი პროცედურაა. ამ დროს აუცილებელია მაღალი ხარისხის ჰიდროიზოლაცია, ასევე გაჟონვისგან დაცვის სისტემა. როგორც წესი, ასეთი იატაკი დამონტაჟებულია ახალ შენობებში, რემონტამდე, რადგან მილების დამალვისთვის საჭიროა იატაკის საკმაოდ სქელი ფენა. წყალზე მომუშავე იატაკის გათბობას ახასიათებს შემდეგი უპირატესობები:

●  თავსებადია ყველა სახის დეკორატიულ იატაკთან;

●  ინარჩუნებს ეკონომიურობას და ეფექტურად ათბობს სივრცეს;

● ის შეიძლება გამოიყენოთ ერთადერთ გათბობის სისტემად მთელ სახლში;

ინსტალაცია უნდა განხორციელდეს პროფესიონალების მიერ. თუ გაჟონვა დაფიქსირდა იატაკის საფარის მთლიანი დემონტაჟი მოგიწევთ. ელექტრო იატაკების მონტაჟი მარტივი და ეკონომიურია. წყლის სისტემასთან შედარებით ის ოდნავ ამაღლებს იატაკს. მისი უარყოფითი მხარეა გაზრდილი დანახარჯები, შესაბამისად ელექტრო იატაკით დიდი სივრცის გათბობა წამგებიანია.

თბილი იატაკი კომფორტულია ფილების ქვეშ, რადგან ამ ტიპის მასალა ცივია და მისი გაცხელება აუცილებელია. დღესდღეობით, თბილ იატაკს აქტიურად იყენებენ აბაზანასა და სამზარეულოში.

თერმოინდუსტრიაში შეგიძლიათ ნებისმიერი ტიპის გათბობის სისტემების შერჩევა. გათბობის ქვაბები, მილები, რადიატორები, იატაკის სისტემები-კვალიფიციური გუნდი სისტემების შერჩევის და მონტაჟის ნებისმიერ ეტაპზე პროფესიონალურ მომსახურებას გაგიწევთ და ოპტიმალური ვარიანტის შეძენაში დაგეხმარებათ.