უკრაინაში რუსეთის შეჭრიდან 31 აგვისტომდე საქართველოს ბანკებში ანგარიში რუსეთის 45 349 მოქალაქემ გახსნა

ფული.jpg

ინფორმაციის თავისუფლების განვითარების ინსტიტუტის (IDFI) ცნობით, უკრაინაში რუსეთის შეჭრიდან 31 აგვისტომდე პერიოდში საქართველოს კომერციულ ბანკებში ახალი ანგარიში რუსეთის 45 349 მოქალაქემ გახსნა.

IDFI-ის ინფორმაციით, 2022 წლის 24 თებერვლიდან 31 აგვისტომდე პერიოდში საქართველოს ბანკებში ანგარიში გახსნა რუსეთში რეგისტრირებულმა 19-მა იურიდიულმა პირმა.

ორგანიზაციის ცნობით, რუსეთ-უკრაინის ომის დაწყების შემდეგ, რუსეთის მოქალაქეების საქართველოში აქტიური შემოსვლის და საბანკო ანგარიშების გახსნის შედეგად, მნიშვნელოვნად გაიზარდა კომერციულ ბანკებში მათ მიერ განთავსებული დეპოზიტების მაჩვენებელიც.

IDFI-ის გამოქვეყნებული მონაცემების მიხედვით, 2022 წლის აგვისტოს მდგომარეობით რუსეთის მოქალაქეების მიერ საქართველოს კომერციულ ბანკებში განთავსებული დეპოზიტები 1.88 მილიარდ ლარს შეადგენს. რუსეთის  მოქალაქეების მიერ  დეპოზიტებზე განთავსებული თანხების ნაშთი კი ომამდე პერიოდთან (2022 წლის 24 თებერვლამდე) შედარებით, დაახლოებით 1.2 მილიარდი ლარით, 170%-ით გაიზარდა.

რუსეთის მოქალაქეების მიერ დეპოზიტებზე არსებული თანხის 72% (1.36 მილიარდი) განთავსებულია აშშ დოლარის ვალუტაში, ხოლო რუსულ რუბლში განთავსებულია მხოლოდ 0.06% (1.2 მილიონი).

"2022 წლის აგვისტოს მდგომარეობით, რუსეთის მოქალაქეების მიერ განთავსებული დეპოზიტების 53% წარმოადგენს მოთხოვნამდე დეპოზიტებს, 21% მიმდინარე ანგარიშებს, ხოლო 26% ვადიან დეპოზიტებს. აღსანიშნავია ის ფაქტი, რომ ომამდე პერიოდში ვადიანი დეპოზიტების წილი 60%-ს აღწევდა." - აცხადებს IDFI.

 

ორგანიზაციის ცნობით, რუსეთის-უკრაინის ომის დაწყების შემდეგ, რუსეთის მოქალაქეების ქვეყანაში აქტიურ შემოდინებას რუსეთის მოქალაქეების მიერ საქართველოს ფინანსურ ორგანიზაციებში მიღებული სესხების მოცულობაზე მნიშვნელოვანი გავლენა არ მოუხდენია.

ეროვნული ბანკიდან მიღებული მონაცემების მიხედვით, რუსეთ უკრაინის ომის დაწყების შემდეგ მნიშვნელოვნად გაიზარდა საქართველოში ვალუტის გადამცვლელ პუნქტებში რუსული რუბლის ბრუნვის მაჩვენებლებიც.

IDFI-ის ცნობით, 2022 წლის მეორე კვარტალში საქართველოს ვალუტის გადამცვლელმა პუნქტებმა იყიდეს 949.8 მილიონი რუბლი, (დღევანდელი კურსით დაახლოებით 45 მილიონი ლარის ან  16 მილიონი აშშ დოლარის  ეკვივალენტი რუბლი), ხოლო გაყიდეს 929.4 მილიონი რუბლი. ეს მონაცემი კი 2021 წლის ანალოგიურ პერიოდთან შედარებით დაახლოებით სამჯერ მეტია.

ორგანიზაცია აცხადებს, რომ საქართველოს ეროვნული ბანკიდან მიღებული მონაცემების ანალიზმა ცხადყო, რომ უკრაინაში რუსეთის შეჭრის შემდეგ საქართველოში რუსეთის მოქალაქეების შემოსვლის გააქტიურებამ საქართველოს კომერციულ ბანკებში რუსეთის მოქალაქეების განკარგვაში არსებული ფინანსების ზრდას ხელი მნიშვნელოვნად შეუწყო.

ამის მაგალითად IDFI ასახელებს, ზემოთ განხილულ მონაცემებს: ახალი საბანკო ანგარიშები გახსნა რუსეთის 45 349 მოქალაქემ, 170%-ით გაიზარდა დეპოზიტების ნაშთი, სამჯერ გაიზარდა რუსული რუბლის ბრუნვის მაჩვენებლები. ეროვნული ბანკის მონაცემების მიხედვით, მნიშვნელოვნად გაიზარდა  რუსეთიდან საქართველოში ფულადი გზავნილების მაჩვენებლებიც.

მონაცემთა ანალიზზე დაყრდნობით, IDFI აცხადებს, რომ რუსეთიდან საქართველოში ფინანსური რესურსების შემოდინებამ მოკლევადიან პერიოდში იქონია გავლენა საქართველოს ეკონომიკურ მაჩვენებლებზე, მათ შორის ეკონომიკურ ზრდასა და ვალუტის კურსის გამყარებაზე. თუმცა ორგანიზაციის აზრით, რუსეთის მოქალაქეების საქართველოში დარჩენის ტენდენცია, შესაძლოა, უსაფრთხოების თვალსაზრისით გამოწვევებს ქმნიდეს.

„მონაცემების ანალიზი აჩვენებს რომ, რუსეთის უკრაინაში შეჭრის შედეგად შექმნილმა გარემოებებმა ხელი  შეუწყო რუსეთიდან საქართველოში მნიშვნელოვანი  ფინანსური რესურსის შემოდინებას, რამაც თავის მხრივ  მოკლევადიან პერიოდშივე გავლენა იქონია ქვეყნის სხვადასხვა ეკონომიკურ მაჩვენებელზე. მათ შორის, ეკონომიკურ ზრდაზე, სავალუტო კურსის გამყარებაზე და სხვა.

IDFI მიიჩნევს რომ, რუსეთის მოქალაქეების ქვეყანაში აქტიური შემოსვლით მოკლევადიან პერიოდში მიღებული  გარკვეული დადებითი ეკონომიკური ეფექტის მიუხედავად, მათი ქვეყანაში დარჩენის მზარდი ტენდენცია შესაძლოა წარმოადგენდეს გამოწვევას სახელმწიფო უსაფრთხოების თვალსაზრისით, რაც საჭიროებს შესაბამის ღონისძიებებს რისკების შემცირების კუთხით” - აცხადებს IDFI.

მასალის გამოყენების პირობები
სხვა სიახლეები
გორგი
„გორგილაძის აუტანელი სიმსუბუქე“ YouTube პლატფორმაზე გრძელდება - პროექტის პარტნიორია საქართველოს ბანკი

საქართველოს ბანკი საინტერესო პროექტების მხარდაჭერას აგრძელებს. ამ მიზნით ბანკი დათო გორგილაძის საავტორო პროექტის, „გორგილაძის აუტანელი სიმსუბუქის“ YouTube პლატფორმის წარმდგენია. გადაცემა, რომელიც მაყუ...

ბიზნესი & ეკონომიკა 1709557860

ტორპედო
თიბისი ქუთაისის ტორპედოს მხარდამჭერი გახდა

თიბისისა და ქუთაისის საფეხბურთო გუნდის ტორპედოს თანამშრომლობა შედგა. ეს სტრატეგიული პარტნიორობა გუნდის ადგილობრივ, რეგიონალურ პოპულარიზაციაზე იზრუნებს და ხელს შეუწყობს ისტორიული საფეხბურთო კლუბის სამო...

ბიზნესი & ეკონომიკა 1709557800

ლარი
ნახეთ, რა ეღირება ვალუტა 5 მარტს

4 მარტის ვაჭრობის შედეგად აშშ დოლარი გაუფასურდა და 2.6590 ლარი გახდა. კურსი, რომელიც დღეს მოქმედებდა, 2.6596 ლარი იყო. გამყარდა ევრო, რომლის კურსი 2.8863 ლარია. დღეს მოქმედი კურსი 2.8745 ლარს შეადგენს...

ბიზნესი & ეკონომიკა 1709557200

ელექტროენერგია
ქუჩები, სადაც 5 მარტს ელექტროენერგია გაითიშება

სხვადასხვა სამუშაოების ჩატარების გამო 5 მარტს ელექტრომომარაგება დროებით შეიზღუდება ჩუღურეთის რაიონი გადაუდებელი სამუშაოების გამო 10:00 საათიდან 14:00 საათამდე შეზღუდვა შეეხება: ხუდადოვის ქუჩის მოსახლე...

საზოგადოება 1709554500

ფული
ყაზბეგში მებაჟე ოფიცრებმა დიდი ოდენობით არადეკლარირებული თანხის შემოტანის ფაქტები აღკვეთეს

საბაჟო გამშვებ პუნქტში ,,ყაზბეგი", მებაჟე ოფიცრებმა, დიდი ოდენობით არადეკლარირებული თანხის მალულად შემოტანის 3 ფაქტი აღკვეთეს. ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუ...

კრიმინალი 1709550645

Tsu
7 მარტს,  16:00 საათზე, თსუ პირველი კორპუსის სააქტო დარბაზში "ქართული ხმების“ კონცერტი გაიმართება

7 მარტს,  16:00 საათზე, თსუ პირველი კორპუსის სააქტო დარბაზში, თბილისის სახელმწიფო უნივერსიტეტში, ლეგენდარული  ანსამბლი „ქართული ხმები" წარმოგიდგენთ ლიტერატურულ-მუსიკალურ კომპოზიციას - „წუთისოფელი".  კ...

საზოგადოება 1709549225