ვინ მოიგო ლოტოში 506 729 ლარი?

ლოტო

ვინ მოიგო ლოტოში  506 729 ლარი? თბილისელ ქალბატონს გულქან თოთაძეს მოგებული თანხა უკვე გადაეცა.

5 ივნისს, ,,5/35- ოქროს ბურთის’’ იღბლიანი ბილეთის მფლობელს მოგებული 506 729 ლარი საზეიმო ვითარებაში გადაეცა.

,,რედისონ ბლუ ივერიაში’’ ჯეკპოტის მფლობელის საპატივცემულოდ საზეიმო მიღება გაიმართა. მოწვეულმა სტუმრებმა დიდი სიხარულით გაიცნეს გულქანი თოთაძე, მასთან სამახსოვრო ფოტოები გადაიღეს და მას ჯეკპოტის მოგება პირადად მიულოცეს.

,,5/35- ოქროს ბურთის’’  იღბლიანი ბილეთი გულქანი თოთაძემ 18 მაისს, თბილისში, მუხიანის დასახლების პირველ მიკრორაიონში მდებარე ლოტოს ჯიხურში შეიძინა.

გულქანი თოთაძე, 70 წლის არის და დიდი ხანია, რაც ლატარიას თამაშობს. როგორც ამბობს, ოქროს ბურთის დაარსების დღიდან თამაშობს და მიზნად ფინალში გასვლა ჰქონდა დასახული.

„თამამად შემიძლია ვთქვა, ყოველგვარი ეჭვის გარეშე, რომ ერთი დღე არ ჩამიგდია. ყოველ დღე ვთამაშობდი. ვავსებდი არამარტო ფურცელზე არსებულ 5 ციფრიან დაფას, არამედ იმის ზევითაც. ვთამაშობდი გიჟურად, მიზანმიმართულად და მიზანდასახულად. ვიცოდი, რომ უნდა გავსულიყავი ფინალში. ფაქტიურად, ვიბრძოდი ამ ფინალისთვის და ჩემმა ბრძოლამ გაამართლა. ყველანაირი კომბინაციით ვარჩევდი რიცხვებს, ვარჩევდი დაბადების დღეებს, ზოგჯერ ცუდ დღეებს, კარგ დღეებს, ავტობუსის განრიგის მიხედვითაც ვავსებდი. თუმცა, იღბლიანი ჯეკპოტის კომბინაციას რაც შეეხება, ძალიან ცოტა ვიფიქრე და ვიყიდე ოთხი ბილეთი, ბოლომ გამიმართლა. ყველა რესურსი ამოვწურე და ჩვეულებრივად შევავსე. ხშირ შემთხვევაში ბილეთს ვყიდულობდი მუხიანში, ქალბატონ ინგასთან ჯიხურში.  ვგრძნობდი, რომ მოვიგებდი. სახლში სულ მეუბნებოდნენ, რატომ იხარჯები, რას ყიდულობ, მაგრამ მე ვგრძნობდი, რომ ამ მიზნამდე მივიდოდი“, - ამბობს გულქანი თოთაძე.

გულქანი თოთაძე მოგებული თანხით ოცნებას აისრულებს და კერძო სახლს შეიძენს.

„ისეთი ბედნიერი ვარ, მეშინია სიხარულისგან არ გავგიჟდე. ვერ ვიჯერებ, ეს ყველაფერი ჩემს თავს, რომ ხდება. ცეკვა-სიმღერა არ ვიცი, მაგრამ სიხარულისგან ვცეკვავდი და ვმღეროდი. სახლში კი არავის სჯეროდა, თუმცა შემდეგ ყველამ დაიჯერა და ძალიან გაუხარდათ. ოცნებას ავისრულებთ. ძალიან მიყვარს ბუნება, სოფელი, მეურნეობა და ყვავილები,  მინდა, რომ მოგებული თანხით კერძო სახლი შევიძინოთ, გაჩერებას არ ვაპირებ, ისევ გავაგრძელებ თამაშს. ყველას ვურჩევ ითამაშოს, რადგან მოგება რეალურია, მიზანი დაისახეთ და აუცილებლად მოიგებთ“, - ამბობს გულქანი თოთაძე.

გულქან თოთაძის შვილი, მაია ბახტაძე:  „თავიდან არ მჯეროდა, მაგრამ შემდეგ რეალურად რომ აღვიქვი შოკში ვიყავი. ძალიან ბედნიერი და გახარებული ვიყავი. ის დღე ჩემს ცხოვრებაში, ყველაზე საუკეთესო იყო. ვაპირებ, რომ მეც ვცადო ბედი. ხალხსაც ვურჩევ, რომ ითამაშონ და რწმენა ჰქონდეთ ისეთი, როგორიც დედაჩემს ჰქონდა, უფრო მეტად იყვნენ აზარტულები და აუცილებლად მოიგებენ“, - ამბობს მაია ბახტაძე.

საზეიმო ღონისძიებაზე ასევე, დაჯილდოვდა ლოტოს 555-ე ჯიხურის წარმომადგენელი ინგა სტეფნაძე, რომელმაც იღბლიანი ბილეთი გაყიდა.

ინგა ტეფნაძე: „აქტიურად ვყიდით ბილეთებს. ჯეკპოტის მფლობელს რაც შეეხება, ყოველდღიურად თამაშობდა. ყველას ვუსურვებ მოგებას და იმ სიხარულს, რაც მეც განვიცადე. უძვირფასესი დღე იყო ჩემთვისაც, რადგან საკუთარ დაბადების დღეზე ჯეკპოტის ბილეთი გავყიდე და ასე დავაგვირგვინეთ დღის ბოლო. მადლობელი ვარ უფლის, ყოველი დღისთვის და წუთისთვის. სხვისი გაბედნიერება, ჩემი სიხარულიც არის. ისეთი შეგრძნება და ემოციები მქონდა, თითქოს მე მოვიგე ჯეკპოტი. ყველას წარმატებებს ვუსურვებ!“.

,,საქართველოს ეროვნული ლატარიას’’ მოგების სახით უკვე გაცემული აქვს 90 მილიონი ლარი!

მასალის გამოყენების პირობები
სხვა სიახლეები
ჰაჯი
საუდის არაბეთში ჰაჯის დროს სიცხისგან 1 301 ადამიანი დაიღუპა

საუდის არაბეთში ჰაჯის დროს სიცხისგან 1 301 ადამიანი დაიღუპა. პილიგრიმები 50 გრადუსიან სიცხეში შორ მანძილზე თავშესაფრის გარეშე გადაადგილდებოდნენ. ცნობილი გახდა, რომ დაღუპულთა სამ მეოთხედზე მეტს არ ჰქონ...

მსოფლიო 1719208850

დაკარგული ქალი
„სახლიდან გავიდა ფეხშიშველი და აღარ დაბრუნებულა“ - სოფელ ზემო მაღაროში 8 დღეა დაკარგულ ქალს ეძებენ

კახეთში, სიღნაღის მუნიციპალიტეტის სოფელ ზემო მაღაროში მერვე დღეა დაკარგულ ქალს ეძებენ. ამის შესახებ ინფორმაციას ოჯახის წევრები სოციალურ ქსელში ავრცელებენ.   "მოგესალმებით, ზემო მაღაროში მცხოვრები თამა...

საზოგადოება 1719208692

MBC-ის-ბიზნეს-სესხის-უპირატესობები
MBC-ის ბიზნეს სესხის უპირატესობები

ფინანსური დამოუკიდებლობა და საკუთარი ბიზნესის ქონა უამრავი ადამიანისთვის ოცნებაა და კითხვაზე, თუ როგორ ცხოვრებას ისურვებდნენ, უდიდესი ნაწილი, ზუსტად, ამას გიპასუხებდა. თუ რეალური იდეები გაქვს და გიფიქ...

ბიზნესი & ეკონომიკა 1719208611

აიღე-საკრედიტო-ბარათი-MBC-ში
აიღე საკრედიტო ბარათი MBC-ში

ცხოვრებაში ხშირად ხდება გაუთვალისწინებელი შემთხვევები, რისთვისაც შესაძლოა დამატებითი ფინანსები დაგვჭირდეს. ასეთ დროს, საუკეთესო გამოსავალია საკრედიტო ბარათი. საკრედიტო ბარათების აღება შეგიძლია სხვადას...

ბიზნესი & ეკონომიკა 1719208455

ირაკლი კობახიძე
„პრემიერის წლიურ ანგარიშში არ არის ტატუნაშვილი-ოთხოზორიას სია და ამოღებულია დეოკუპაციის ხედვა“ - თეონა აქუბარდია

პრემიერმინისტრს პარლამენტში 28 ივნისს მოუსმენენ, ირაკლი კობახიძე  მთავრობის ყოველწლიურ ანგარიშს პლენარულ სხდომაზე წარადგენს. პრემიერთან მწვავე კითხვები აქვს ოპოზიციას. თავდაცვის კომიტეტის წევრის თეონა...

პოლიტიკა 1719206689

დაღესტანი
მოკლული პოლიციელების რიცხვი 15-მდე გაიზარდა - დაღესტანში გლოვის დღეები გამოცხადდა

მოკლული 20-მდე ადამიანი, მათ შორის 15 პოლიციელი, მღვდელი და ეკლესიის მცველი, დაჭრილი 12 სამართალდამცავი და დაშავებული 25 ადამიანი პირი - დაღესტანში 24-25 და 26 ივნისი გლოვის დღეებად გამოცხადდა.   დერბ...

მსოფლიო 1719206592