Yandex 5.4 მილიარდი დოლარის სანაცვლოდ, სრულად რუსეთის საკუთრებაში დაბრუნდა

რუსული Yandex-ი და მისი ინტერესები საქართველოში.

Yandex-თან დაკავშირებული  გარიგების შედეგად, რუსი ინვესტორების კონსორციუმმა 5.4 მილიარდი დოლარის ღირებულების აქტივები ნაღდი ფულის სანაცვლოდ გამოისყიდა.

სტატიაში, რომელსაც Reuters-ი აქვეყნებს, ნათქვამია, რომ შედეგად, Yandex-ზე დასავლელი ინვესტორების კონტროლი დასრულდა და ის სრულად რუსეთის საკუთრებაში გადავიდა.

თავდაპირველად, როცა Yandex-ი ქართულ ბაზარზე შემოვიდა, მაშინვე გაჩნდა პრობლემები პირად მონაცემებთან და დემპინგურ ფასებთან დაკავშირებით.

კომპანიის ირგვლივ კვლავაც ჩნდება კითხვები, რადგან ცნობილია მათი კავშირები რუსულ სადაზვერვო სამსახურებთან.

ეს ყველაფერი ხდება იმ ფონზე, როდესაც რუსეთის მიერ უკრაინაში შეჭრის შედეგად Yandex-ის მფლობელები სანქციების ქვეშ მოჰყვნენ.

Reuters-ის მიერ გამოქვეყნებულ სტატიაში ვკითხულობთ, რომ ნიდერლანდური Yandex-ის ბიზნესის განვითარების ვექტორი 2022 წლის თებერვალში, რუსეთის უკრაინაში შეჭრის შემდეგ შეცვალა. Yandex-ის დამფუძნებელი, არკადი ვოლოჟი, ისევე როგორც კომპანიის მაღალი მენეჯმენტის რგოლის რამდენიმე წარმომადგენელი დასანქცირდა, რამაც კომპანიას რესტრუქტურიზაციისკენ და რუსული აქტივების გასხვისებისკენ უბიძგა.

ცნობისათვის, ზემოხსენებული  გარიგების პროცესში, საინვესტიციო კონსორციუმში ხუთი მხარე იყო წარმოდგენილი, მათ შორის ქართული წარმომავლობის მქონე ინვესტორი, ალექსანდრე ჩაჩავა, “ლუკოილის” შვილობილი საინვესტიციო ფონდი და რამდენიმე რუსი ბიზნესმენი.

„ნიუპოსტი“ აგრძელებს კომპანიის საქმიანობის შესწავლას და ჩვენი ჟურნალისტების მიერ მოპოვებულ მასალებს ეტაპობრივად გამოვაქვეყნებთ ნიუპოსტის ვებგვერდზე,