გაიცანით ადამიანი, რომელიც 10 წელია ტუალეტის ქაღალდს აღარ ხმარობს

10 წლის წინ ამერიკელმა გარემოს დამცველმა და მწერალმა რობ გრინფილდმა ტუალეტის ქაღალდის გამოყენება შეწყვიტა. 36 წლის აქტივისტი კვლავ დარწმუნებულია, რომ სწორი გადაწყვეტილება მიიღო. უფრო მეტიც, გრინფილდი ყველას მოუწოდებს მის მაგალითს მიჰბაძოს. რობი დარწმუნებულია, რომ რაც უფრო მეტი ადამიანი მიიღებს მის ლაიფჰაკს, მით უკეთესი იქნება დედამიწისთვის. რადგან თვლის, რომ მის მიერ დანერგილი ტუალეტის ქაღალდის შემცვლელი პლანეტას თვით გაწმენდაში ეხმარება!

თავისი გარემოსდაცვითი მოღვაწეობის განმავლობაში გრინფილდი ებრძოდა მსხვილი კორპორაციების მიერ წარმოებულ ისეთ პროდუქციას, რომლებიც, მისი აზრით გარემოს ანადგურებენ. და აი, 2013 წელს მისი სამიზნე ტუალეტის ქაღალდი გახდა. 

თავიდან რობმა ტუალეტის ქაღალდი ქსოვილის ხელსახოცებით შეცვალა, მაგრამ მალე მიხვდა, რომ ეს საქმის არსს არ ცვლიდა. სწორედ აქ გამოადგა მას ბიოლოგის განათლება. ტუალეტის ქაღალდის შესანიშნავი ჩამნაცვლებელი იპოვა და 10 წელზე მეტი ხანია რობი იყენებს თითოეული ჩვენგანისთვის ცნობილი მცენარის ფოთლებს პირადი ჰიგიენისთვის. 

ეკოლოგის არჩევანი მცენარე კომფრიზე (Symphytum officinale, ან უბრალოდ - comfrey), უპრეტენზიო, მაგრამ სასარგებლო მცენარეზე შეჩერდა - გრინფილდის თანახმად, კომფრის ფოთლებს აქვთ შესანიშნავი ფორმა და ტექსტურა ამ სახის ფუნქციის შესრულებისათვის. გარდა ამისა, მცენარეს კარგი სუნი აქვს. რა თქმა უნდა, ცხადია, რომ მისი გამოყენებული ფოთლები სწრაფად იშლება გარემოსთვის რაიმე ზიანის მიყენების გარეშე.

"ტუალეტის ქაღალდის გამოყენებით, თქვენ ხელს უწყობთ ტყის შემდგომ განადგურებას და ათასობით ტონა წიაღისეული საწვავის ხარჯვას საქონლის ტრანსპორტირებისთვის. საიდან ვშოულობ ამდენ კომფრას? პასუხი მარტივია - მე მას სახლში ვზრდი! ჩემი კომფრი მთელი ცხოვრება მეყოფა. 2013 წლიდან მე არცერთი ცენტი არ გადამიხდია ტუალეტის ქაღალდში და არ ვცხოვრობ იმაზე უარესად, ვიდრე ადამიანები, რომლებიც გიჟურ ფულს ყრიან მასში," - აცხადებს გრინფილდი.

ეკოლოგის მიერ ფულის დაზოგვის ფაქტს სტატისტიკური მონაცემებიც ადასტურებენ - ამ პერიოდში საშუალოდ ამერიკელი ტუალეტის ქაღალდში 11-დან 12 ათას დოლარს დახარჯავდა.

წყარო