მამაკაცმა შეიძლება თაიგული კი არა, სამზარეულოს აქსესუარები გაჩუქოთ - რას პირდება ნოემბრის ასტროპროგნოზი მარტოხელებს

ნოემბერში სიყვარულის პლანეტა ვენერა მკაცრ და სერიოზულ თხის რქაშია. საინტერესოა, როგორ აისახება ეს ზოდიაქოს ნიშნებზე.

ვერძი

დატვირთული ხართ სამსახურის საქმეებითა და ვალდებულებებით და პირადი ცხოვრებისთვის არ გცალიათ. ვენერა კი პრაქტიკულ და სერიოზულ თხის რქაშია და ახალგაცნობილმა მამაკაცმა შეიძლება თაიგული კი არა, სამზარეულოს აქსესუარები. 20 ნოემბრის შემდეგ დაელოდეთ ვნებიან პაემნებს.

რჩევა: თქვენნაირ თავქარიან და ვნებიან პარტნიორს კი არა, სერიოზულსა და დინჯს უნდა ეძებდეთ.

კურო

გამოჩნდებიან მამაკაცები, რომელთანაც მარტივად გამონახავთ საერთო ენას და ერთად შეადგენთ სამომავლო გეგმას. ხანმოკლე ფლირტები განწყობის გასაუმჯობესებლად გამოიყენეთ.

რჩევა: ადამიანთან კომფორტულად უნდა იგრძნოთ თავი. მამაკაცი, ვისთანაც დაძაბულობასა ანდა უნდობლობას გრძნობთ, თქვენი არაა.

ტყუპი

არასერიოზულად დაწყებული ურთიერთობა ისე შეგცვლით, რომ გათხოვებასაც კი იფიქრებთ. ვარსკვლავები თქვენ მხარეს არიან.

რჩევა: ნუ შეუშინდებით საკუთარ გრძნობებს. ნუ შეეცდებით დისტანციის დაცვას.

კირჩხიბი

ნაცნობობა და ახალი ურთიერთობის დაწყება შეიძლება არც კი მოგინდეთ. უმჯობესია, საკუთარ თავში, სურვილებში გაერკვეთ.

რჩევა: დამკვირვებლის პოზიცია შეინარჩუნეთ, მაგრამ საკუთარ ნაჭუჭშიც ძალიან ღრმად ნუ ჩაიკეტებით.

ლომი

ნუ გაგიკვირდებათ, თუ ყველა ყოფილი ნოემბერში გამოგეცხადებათ. ხანდახან შეიძლება უხერხულ სიტუაციაშიც კი აღმოჩნდეთ. ჩამოწერეთ პაემნების გრაფიკი.

რჩევა: გახსოვდეთ, რომ ერთ მდინარეში ორჯერ ვერ შეხვალთ. დაემშვიდობეთ წარსულს და შეეგებეთ მომავალს.

ქალწული

ახალგაცნობილი სიმპათიას გამოავლენს თქვენ მიმართ და მიხვდებით, რომ ის ისაა, ვისაც ამდენი ხანი ელოდით. თუმცა, მთლად ბრმადაც ნუ ენდობით.

რჩევა: დააკვირდით ახალი თაყვანისმცემლის საქციელს და არა სიტყვებს. სწორედ ის გამოავლენს ადამიანის ნამდვილ სახეს.

სასწორი

ახლა სტატუსის შეცვლის დრო არაა. ვენერა მკაცრ თხის რქაში რაციონალურობისკენ გიბიძგებთ.

რჩევა: ნუ მოიწყენთ, გამოიყენეთ ეს დრო კარიერული წინსვლისთვის, კეთილდღეობის ახალი ფუნდამენტის ჩასაყრელად.

მორიელი

რამდენიმე წარუმატებელი რომანის შემდეგ შეიძლება მოგეჩვენოთ, რომ კარგი ბიჭები "დამთავრდნენ". ამოისუნთქეთ, მომდევნო თვეში პოზიტიური ცვლილებები გელით.

რჩევა: შეიცვალეთ იმიჯი, სამსახური, საცხოვრებელი, დაიწყეთ ახლის შესწავლა.

მშვილდოსანი

ყველა გამვლელ მამაკაცს ეფლირტავებით. ყველას თანხმდებით პაემანზე. ეს გამხიარულებთ, თუ დრო გაგყავთ?..

რჩევა: დაფიქრდით, ვინ არის თქვენი რომანის გმირი. ვინ ჩაიდენს თქვენთვის გმირობას, თუნდაც ღამის ორ საათზე ნაყინის საჭმელად კაფეში წასვლას?..

თხის რქა

ვარსკვლავები ყველა სურვილის ასრულებას გპირდებიან. მთავარია, მოინდომოთ. იყავით მეტად რომანტიკული.

რჩევა: თუ ახალგაცნობილი ადამიანი მოგწონთ და სერიოზულ ურთიერთობას გთავაზობთ, უარი არ თქვათ.

მერწყული

თვის დასაწყისში სრულიად გაუგებარ სიტუაციაში აღმოჩნდებით. ნისლი შედარებით გაიფანტება 20 რიცხვიდან. გამოგიჩნდებიან ახალი თაყვანისმცემლები, მიხვდებით, რომ მამაკაცები გაფასებენ.

რჩევა: ახლა გათვლის დრო არაა, იმოქმედეთ ექსპრომტად.

თევზები

ნამდვილი სიყვარული თქვენ გვერდითაა. მთავარია, არ ააჩქაროთ მოვლენები და ბედს დაელოდოთ. თავად შეიქმენით სადღესასწაულო განწყობა და ოფისშიც კი მდიდრულად ჩაცმულმა იმუშავეთ.

რჩევა: ხანდახან საკუთარ თავსაც უნდა ასიამოვნოთ. მამაკაცები კი ყურადღების გარეშე არ დაგტოვებენ.