"მაქსიმალურ ყურადღებას იქცევს მარსი-ურანის კვადრატი, რომელიც მიანიშნებს დაძაბულობაზე, აგრესიულ ფონზე, სიტუაციის მოულოდნელ და აგრესიულ შემოტრიალებაზე, კონფლიქტურობაზე და დაპირისპირებებაზეც კი" - ასტროლოგი რამაზ გიგაური

ასტრო

„ინგრესია:

* 10 მარტი > მერკური ვერძის ზოდიაქოში

* 12 მარტი > ვენერა თევზების ზოდიაქოში

* 20 მარტი > მზე ვერძის ზოდიაქოში (ასტროლოგიური ახალი წელი)

* 23 მარტი < მარსი თევზების ზოდიაქოში

რეტროგრადული პლანეტები: არ არის.

* ახალმთვარეობა - 10 მარტი (13:00 საათზე)

* სავსემთვარეობა და მთვარის დაბნელება - 25 მარტი (11:00 საათზე)

მარტი - ასტროლოგიური მოვლენებით არც თუ დატვირთული თვეა. თუმცა ის წლის ყველაზე მნიშვნელოვანი თვეა. ეს არის პერიოდი, როდესაც მზე ვერძის პირველ გრადუსში შედის. ეს არის გაზაფხულის ბუნიაობა (დღეღამტოლობა) და ასტროლოგიური ახალი წელი. თბილისის დროით ეს დადგება 20 მარტს, 7:07 საათზე (ამ დღის აღსანიშნავად 10-20 მარტის შუალედში გავაკეთებ Live-ს).

მარტის პირველ დეკადაში შედარებით რთული ემოციური ფონი იქნება. ამაზე მიანიშნებს მზე-სატურნის შეერთება (მართალია სეპარაციული შეერთება, მაგრამ მაინც), რასაც მოჰყვება 10 მარტის ახალმთვარეობა და შემდეგ უკვე მზე-ნეპტუნის შეერთება. ეს შეიძლება შევადაროთ გასაწმენდი სათვალით სიარულს ან სულაც დასვრილი სარკმლიდან ყურებას. რაც სიმბოლურად მიანიშნებს ბუნდოვანებაზე, არამკაფიოობაზე და ილუზიურ გარემოებებზეც კი. ოღონდ ეს ყველაფერი შესაძლოა „შეფერადებული“ იყოს ნეგატიური განცდებითა და მოლოდინებით. გარკვეულწილად ამაშე „დამნაშავე“ თებერვლის დესტრუქციული პერიოდი იყო, როდესაც ბევრი რამ „დაიშალა“, დამუხრუჭდა ან ვერ განვითარდა. ზემოთ თქმულიდან გამომდინარე, მთელი მარტის პერიოდში სასურველია მეტი პრაქტიკულობისა და პრაგმატულობის გამოვლენა, რათა თავიდან იქნას არიდებული ბუნდოვან, ილუზიურ, საეჭვო და უკანონო გარემოებებში მოხვედრა.

მზე-ნეპტუნის შეერთების დადებითი გამოვლენა იქნება შემოქმედებითი უნარების, წარმოსახვისა და ფანტაზიის გაძლიერება, რაც ხელოვნებაში სასიკეთო შედეგების მიღების ალბათობას მკვეთრად გაზრდის. ასე რომ, მარტი შეიძლება ხელოვანებისთვის საკმაოდ პოზიტიურ თვედ მოვიაზროთ. ბევრი ადამიანი თავის შემოქმედებაში შეძლებს ახალი ნაბიჯების გადადგმას, ახალი შემოქმედებითი პროექტების დაწყებას ან სულაც უკვე დაწყებულის გაგრძელება-განვითარებას. ეს კარგი დროა კრეატიული ადამიანებისთვისაც. ის პიროვნებები, რომლებიც მუშაობენ ახალი კრეატიული იდეების მოფიქრებაზე, ეს თვე მათთვის დადებითი აღმოჩნდება (მით უმეტეს, რომ 12 მარტიდან ხელოვნების მმართველი პლანეტა ვენერა გადაინაცვლებს თევზების ზოდიაქოში, სადაც ის ეგზალტირებულია და საკმაოდ ძლიერად, ინტენსიურად და დადებითად ვლინდება).

გარდა ამისა, მარტი ასევე საინეტერესო იქნება საკუთარ რწმენა-წარმოდგენებში გარკვევისთვის, ფსიქოლოგიური „გადატვირთვის“ და საკუთარ ფსიქიკაში გარკვევისთვის. აქედან გამომდინარე, ეს თვე დადებითია იმ ადამიანებისთვის, რომლებიც მედიტაციის, რელიგიური პრაქტიკის დაწყებას, ან სულაც ფსიქოლოგიური კონსულტაციის მიღებას აპირებენ. 

დამატებით ასტროლოგიურ ახალ წელზე შეიძლება ითქვას, რომ ამ დღეს სასურველია 2024 წლის მიზნების ფორმირება, მომავლის დაგეგმარება, ვიზუალიზაცია, მედიტაცია, აფირმაციების რწმენით წარმოთქმა და მსგავსი პრაქტიკები. 20 მარტი - ეს არის ახალი ასტროლოგიური წელის პირველი დღე და მას იგივე ასტროლოგიური მნიშვნელობით გაცილებით მეტი მნიშვნელობა აქვს, ვიდრე იგივე 1 იანვარს. სასურველია, 20 მარტს ადრე გავიღვიძოთ და 6:50 - 7:10 შუალედში (თბილისის დროით) კოსმოსში გავუშვათ ჩვენი დადებითი გზავნილები. მომავალში მათი რეალიზაციის ალბათობა საკმაოდ მაღალი იქნება.

მარტის პირველ ნახევარში მაქსიმალურ ყურადღებას იქცევს მარსი-ურანის კვადრატი, რომელიც მიანიშნებს დაძაბულობაზე, აგრესიულ ფონზე, სიტუაციის მოულოდნელ და აგრესიულ შემოტრიალებაზე, კონფლიქტურობაზე და დაპირისპირებებაზეც კი. მით უმეტეს, რომ 10 მარტიდან აზროვნების პლანეტა - მერკური ვერძის ზოდიაქოში გადავა და ვერბალურ დონეზე გაზრდის იმპულსურობის ალბათობას (რაც შეიძლება მივიდეს არასასურველ და ნეგატიურ წამოცდენებამდე, რაც ბუნებრივია, შეიძლება გახდეს კონფლიქტის მაპროვოცირებელი).

მარსი-ურანის კვადრატი მიანიშნებს ავარიულობის მაღალ ალბათობაზეც. ამიტომ მარტის პირველ ნახევარში ყველაზე მაქსიმალური წინდახედულობა და სიფრთხილე სჭირდება. განსაკუთრებით კი იმ ადამიანებს, ვისი საქმიანობაც უკავშირდება სიჩქარეს, ხიფათს, ბასრ და მსხვრევად ნივთებთან ურთიერთობას, ცივ თუ ცეცხლსასროლ იარაღს. ამ პერიოდში ურთიერთობებში რეკომენდებულია მოთმინება და ტაქტიანობის გამოჩენა.

ძალიან საინტერესო იქნება მარტის მეორე ნახევრიდან პლანეტა იუპიტერის შეერთება ურანთან. რაც მიანიშნებს სხვადასხვა ტიპის ზრდაზე, განვითარებაზე, დადებით ცვლილებებზე და სასიკეთო რეფორმებზე (ეს მოხდება როგორც პიროვნულ, ისე გლობალურ დონეზე).

ყველა ის დამუხრუჭება, რეგრესი თუ იმედგაცრუება, რომელიც საგრძნობი იყო თებერვალსა და მარტის პირველ ნახევარში, მარტის მეორე ნახევრიდან ნელ-ნელა გამოსწორდება და აპრილში კიდევ უფრო აქტიური და ენერგიული ფორმებით გამოვლინდება. ეს იქნება ახალი წამოწყებების და ახალი პროექტების დაწყება-განვითარების პერიოდი.

შესაძლოა, ყველა დონეზე ვიხილოთ ახალი კავშირების დამყარება და ახალი გაერთიანებები. ეს იქნება პოლიტიკაში, ეკონომიკაში, ბიზნესში და სამხედრო საქმეში. ამ პერიოდში შესაძლოა ბევრი ახალი პროექტი შეიქმნას სწავლასთან და თვითგანვითარებასთან დაკავშირებითაც.

მნიშვნელოვანი იქნება 25 მარტის სავსემთვარეობა და მთვარის ნაწილობრივი დაბნელება (რომელიც გამოჩნდება აფრიკიდან და ევროპიდან). ამ სავსემთვარეობის ღერძი მინორულ ნეგატიურ ასპექტებში იქნება ურანთან (45/135 გრადუსებში), რაც მიანიშნებს, ემოციურ ფონზე გადაწყვეტილების მიღების გართულებას (ან შეუძლებლობას) და ამის გამო ცვლილებების სწრაფად და დროულად ვერ დაწყებას.

მარტის ბოლოსა და აპრილის დასაწყისში მზე შეუერთდება მთვარის აღმავალ კვანძს, რაც შესაძლოა საკმაოდ პროგრესული პერიოდი აღმოჩნდეს ბევრი ადამიანისთვის და მათ შეძლონ მომავლის სასიკეთოდ ფორმირება“.

- ასტროლოგი რამაზ გიგაური სოციალურ ქსელში მარტის ასტროლოგიური პროგნოზს აქვეყნებს.

მასალის გამოყენების პირობები
სხვა სიახლეები
თბს
თიბისი ბანკის პარტნიორი ატელიე La Mode შოურუმს ხსნის

ატელიე “ლა მოდი”, ერთი შეხედვით, კლასიკური მცირე ბიზნესია, მაგრამ ბიზნესად ყოფნა უფრო გვერდითი ეფექტია, ვიდრე მიზანი. “ლა მოდის” დამფუძნებლის, სოფო ჭუმბურიძისთვის მსგავსი ატელიე ბავშვობის ახდენილი ოცნ...

ბიზნესი & ეკონომიკა 1713951488

აქცია ახალგაზრდები
"სიმცირის მიუხედავად, გზას ხელოვნურად კეტავენ, მოჰყვება შესაბამისი რეაგირება" - შსს აქციების მონაწილეებს აფრთხილებს

შსს ამტკიცებს, რომ რუსთაველის გამზირზე, რუსული კანონის საწინააღმდეგო აქცია-მსვლელობების მონაწილეთა რიცხვი შემცირდა და გზის გადაკეტვის საჭიროება აღარ დგას, რის გამოც, გომელაურის უწყება ორგანიზატორებსა...

პოლიტიკა 1713950251

პაპუაშვილი
პაპუაშვილი პოლიციის მაღალჩინოსნების სანქცირებაზე აუსტრევიჩუსის განცხადების გამო ლიტვის საელჩოსგან განმარტებას ითხოვს

პარლამენტის თავმჯდომარე, შალვა პაპუაშვილი ევროპარლამენტარ პეტრას აუსტრევიჩუსის განცხადებაზე, რომელმაც გუშინ პოლიციის მაღალჩინოსნების დასანქცირება მოითხოვა, ლიტვის საელჩოსგან განმარტებას ითხოვს. აუსტრე...

პოლიტიკა 1713949842

ლაზარეეე
ლაზარე გრიგორიადისი ციხეს, სავარაუდოდ, დღეს დატოვებს

რუსული კანონის წინააღმდეგ გასული წლის მარტში გამართული აქციების დროს დაკავებული ლაზარე გრიგორიადისი ციხეს, სავარაუდოდ, დღეს დატოვებს. შეგახსენებთ, რომ პრეზიდენტმა მისი შეწყალების გადაწყვეტილება განაჩე...

სამართალი 1713949697

ზარქუა
საგარეომ ლიეტუვის ელჩს მოსთხოვოს პასუხი - ზარქუა აუსტრევიჩუსის მიერ "ხარებას" და სირაძის დასანქცირების მოთხოვნაზე

გუშინ, 23 აპრილს, ევროპარლამენტში პლენარულ სესიაზე, სანქციების დაწესების მოთხოვნის ფარგლებში პირველად გაჟღერდა პოლიციის მაღალჩინოსნების სახელები. პეტრას აუსტრევიჩუსმა ევროკომისიას მოუწოდა, სანქციები დ...

პოლიტიკა 1713949640

სასამართლო
ნაფიცმა მსაჯულებმა ერთხმად ცნეს დამნაშავედ - შურისძიების მოტივით ჩადენილი მკვლელობისთვის ბრალდებულს 12 წლით პატიმრობა მიესაჯა

პროკურატურის ცნობით, ნაფიცმა მსაჯულებმა შურისძიებით ჩადენილი მკვლელობის ფაქტზე ბრალდებული ერთხმად ცნეს დამნაშავედ. ბრალდებულს 12 წლით თავისუფლების აღკვეთა მიესაჯა. "სასამართლო პროცესზე დადგინდა, რომ ბ...

სამართალი 1713949530