ბიზნესი და ტექნოლოგიები საბაუნიში

სულხან-საბა ორბელიანის უნივერსიტეტი საერთაშორისო სტანდარტების გათვალისწინებით ახორციელებს სწავლებას ოთხივე ფაკულტეტის პროგრამებზე. უნიევრსიტეტისთვის მნიშვნელოვანია სტუდენტს შეუქმნას კომფორტული გარემო, სადაც სწავლასთან და განვითარებასთან ერთად შეძლებს გამოიმუშაოს პრაქტიკული უნარ-ჩვევები, მიიღოს მონაწილეობა სხვადასხვა ტრენინგსა თუ კონფერენციებში და ისარგებლოს გაცვლითი პროგრამებით.

დღესდღეობით ბიზნესის ფაკულტეტი ერთ-ერთი მოთხოვნადი ფაკულტეტია საქართველოში, სწორედ ამიტომ საბაუნის ბიზნესის ადმინისტრირების პროგრამა ახორციელებს სწავლებას თანამედროვე, საერთაშორისო სტანდარტებით შექმნილი მეთოდებით, ხოლო გუნდი დაკომპექტებულია პრაქტიკოსი ლექტორებით. ფაკულტეტის ბაზაზე მოქმედებს კვლევითი ინსტიტუტი, სტიპენდიები და გაცვლითი პროგრამები. გაცვლითი პროგრამის ფარგლებში კი უნიევრსიტეტი მზად არის მიიღოს უცხოელი სტუდენტები ბიზნესის ადმინისტრირების ინგლისურენოვან პროგრამაზე.

საბაუნის ბიზნესისა და ტექნოლოგიების ფაკულტეტზე 5 მოქმედი პროგრამაა:

ბიზნესის ადმინისტრირების ქართულენოვანი საბაკალავრო პროგრამა;
ბიზნესის ადმინისტრირების ინგლისურენოვანი საბაკალავრო პროგრმა;
· ტურიზმის საბაკალავრო პროგრამა;

·ბიზნესის ადმინისტრირების სამაგისტრო პროგრამა;

ადამიანური რესურსების მართვის სამაგისტრო პროგრამა.

ფაკულტეტის პროგრამები კი უნიკალურ სასწავლო კურსებს მოიცავს, როგორიცაა:

· ციფრული ეკონომიკა;

· მეწარმეობა და ინოვაციების მენეჯმენტი;

· ემოციური ინტელექტი;

· გეიმფიკაცია.

ბიზნესისა და ტექნოლოგიების ფაკულტეტის სტუდენტებს აქვთ შესაძლებლობა ისწავლონ ევროპის სხვადასხვა წამყვან უნივერსიტეტში სრული დაფინანსებით.

გრძელვადიანი გაცვლითი პროგრამების გარდა, სტუდენტებს  შეუძლიათ ისარგებლონ მოკლევადიანი გაცვლითი პროგრამებით, ზამთრისა და საზაფხულო სკოლებით.

გაცვლითი პრორგამები მოქმედებს ორმოცდაათამდე უნივერსიტეტში, როგორიცაა: ვალიადოლიდის უნივერსიტეტი (ესპანეთი), ლიონის კათოლიკური უნივერსიტეტი(საფრანგეთი), კიოლნის უნივერსიტეტი (გერმანია), კარდინალ ვიშინსკის უნივერსიტეტი (პოლონეთი), აკადემია იგნატიანუმი (პოლონეთი) და ა.შ...

აღსანიშნავია ის ფაქტი, რომ სულხან-საბა ორბელიანის უნივერსიტეტი ერთადერთი ქართული საგანმანათლებლო დაწესებულებაა, სადაც  სტუდენტებს შესაძლებლობა აქვთ მიიღონ Czestochowa University of Technology-სა და საბაუნის ერთობლივი, ორმაგი დიპლომი.