კომპიუტერული ლოგიკის საშემოდგომო სამიტი (CLAS 2022) თსუ-ში

განათლება 1664121070    48

თსუ

მსოფლიოს 200 უნივერსიტეტის წარმომადგენელი 300 მეცნიერი მონაწილეობს კომპიუტერული ლოგიკის საშემოდგომო სამიტში (CLAS 2022), რომელიც ივანე ჯავახიშვილის სახელობის თბილისის სახელმწიფო უნივერსიტეტში მიმდინარეობს. თსუ  ილია ვეკუას სახელობის გამოყენებითი მათემატიკის ინსტიტუტის და კურტ გიოდელის საერთაშორისო საზოგადოების ორგანიზებით გამართული ღონისძიება აერთიანებს ექვს კონფერენციას, სამ სეზონურ სკოლას და ერთ ვორქშოფს.

თსუ რექტორის გიორგი შარვაშიძის თქმით, უნივერსიტეტში იმართება ყველაზე დიდი თავყრილობა იმ სპეციალისტებისა, რომლებიც მუშაობენ მათემატიკურ ლოგიკაში. „ეს ძალიან მნიშვნელოვანი მოვლენაა, როგორც ჩვენი მეცნიერებისთვის, მკვლევრებისთვის, ასევე, მთელი მსოფლიოს მეცნიერებისთვის, რომლებიც მუშაობენ სამომავლო ტექნოლოგიებზე. რა თქმა უნდა, ფანტასტიკური შესაძლებლობაა ახალგაზრდა მკვლევრებისთვის, რომ დაინახონ თუ რა მიმართულებით განვითარდება ეს დარგი უახლოეს მომავალში.“

სამიტში შემავალი კონფერენციები და სკოლები კომპიუტერული ლოგიკის, თეორიული კომპიუტერული მეცნიერებების და კომპიუტერული მათემატიკის სხვადასხვა მიმართულების წამყვანი ტრადიციული ღონისძიებებია, რომლებიც მრავალი წელია, ტარდება მსოფლიოს სხვადასხვა უნივერსიტეტში. მათ შორის: ინტელექტუალური კომპიუტერული მათემატიკის მე-15 საერთაშორისო კონფერენცია; დეკლარაციული პროგრამირების პრინციპებისა და პრაქტიკის 24-ე საერთაშორისო სიმპოზიუმი; ლოგიკაზე დაფუძნებული პროგრამათა სინთეზის და გარდაქმნის 32-ე საერთაშორისო სიმპოზიუმი; პროგრამათა აგების მათემატიკის მე-14 საერთაშორისო კონფერენცია;  გამოთვლების თეორიული ასპექტების მე-19 საერთაშორისო კოლოკვიუმი; გაშვების ვერიფიკაციის 22-ე საერთაშორისო კონფერენცია; გადაწერის მე-13 საერთაშორისო სკოლა;

გამოთვლების თეორიული ასპექტების საერთაშორისო კოლოკვიუმის საზაფხულო სკოლა;

თბილისის მე-16 საერთაშორისო სკოლა ლოგიკასა და ენაში; ციფრულ დამტკიცებათა ევროპული კვლევითი ქსელის EuroProofNet-ის ვორქშოფი დამტკიცებების დიდი ბიბლიოთეკების შემუშავებაზე, მომსახურებაზე, რეფაქტორიზაციასა და ძებნაზე.

„ეს შეხვედრა შესანიშნავი შესაძლებლობაა ადამიანებისთვის მსოფლიოს ყველა რეგიონიდან, რომ შეიკრიბონ და განიხილონ მეცნიერების ის საკითხები და ძირითადი მიმართულებები, როგორიცაა ლოგიკა, ენა და მასთან დაკავშირებული თემები. იმ ადამიანებს შორის, რომლებიც პროგრესზე ფიქრობენ, აუცილებელია მსოფლიოში არსებული ტექნოლოგიის ძირითად ფორმებზე ინფორმაციის გაცვლა. ეს არის შესაძლებლობა, რომ გავერთიანდეთ, გავუზიაროთ ერთმანეთს ცოდნა, იდეები და ვისწავლოთ ერთმანეთისგან,“- აღნიშნა თელ-ავივის უნივერსიტეტის პროფესორმა ნახუმ დერშოვიცმა.

კომპიუტერული ლოგიკის საშემოდგომო სამიტში მომხსენებელთა და პროგრამული კომიტეტების წევრთა სახით ჩართულია 300‐მდე მეცნიერი მსოფლიოს 35 ქვეყნის 200‐ზე მეტი უნივერსიტეტიდან. სეზონურ სკოლებზე მოწვეული არიან ლექტორები ევროპული და ამერიკული უნივერსიტეტებიდან, ხოლო დამსწრეები არიან როგორც უცხოელი, ასევე ქართველი სტუდენტები. სამიტის ორგანიზებაში უცხოელ მეცნიერებთან ერთად ჩართულია თბილისის სახელმწიფო უნივერსიტეტის სამეცნიერო, აკადემიური და ადმინისტრაციული პერსონალი.

„კომპიუტერული ლოგიკის შემოდგომის სამიტი აერთიანებს 6 საერთაშორისო კონფერენციას და სამ სეზონურ სკოლას. ეს კონფერენციები 30 წელზე მეტია ტარდება მსოფლიოს სხვადასხვა ქვეყანაში და სარგებლობენ მაღალი რეიტინგით. წელს ის ფაქტი, რომ ეს კონფერენცია ჩატარდა თბილისის სახელმწიფო უნივერსიტეტში, ხაზს უსვამს იმას, რომ კონფერენციების კომიტეტის წევრები ენდობიან ქართველ მეცნიერებს და ისინი დათანხმდენენ, რომ თბილისის სახელმწიფო უნივერსიტეტში ჩატარდეს ეს კონფერენციები. აღსანიშნავია, რომ მაგალითად ერთ-ერთი კონფერენცია, რომელიც არის ამ სამიტის ნაწილი, მომავალ წელს ტარდება კემბრიჯის უნივერსიტეტში,“-განაცხადა თსუ ილია ვეკუას სახელობის გამოყენებითი მათემატიკის ინსტიტუტის მეცნიერ-თანამშრომელმა ბესიკ დუნდუამ.

სამიტში შემავალ კონფერენციებს და სკოლებს საკმაოდ დიდი ხნის ტრადიცია აქვთ, მაგრამ მათი ისეთი კოლოკაცია ერთიანი ქოლგის ქვეშ, როგორსაც CLAS გვთავაზობს, პირველად ხდება. ეს საშუალებას მისცემს მასში მონაწილე მეცნიერებს მოკლე პერიოდის განმავლობაში შეხვდნენ, თავიანთი შედეგები გააცნონ და იდეები გაუზიარონ კომპიუტერული მეცნიერებების, ლოგიკის და მათემატიკის სხვადასხვა ქვედარგში მომუშავე ბევრ კოლეგას. სამიტი მნიშვნელოვანია ქართველი მეცნიერებისთვისაც, რომელთაც შეეძლებათ ადგილზე გაეცნონ მოწინავე კვლევებს კომპიუტერულ ლოგიკაში, გაიცნონ და საქმიანი ურთიერთობა დაამყარონ წამყვან სპეციალისტებთან. განსაკუთრებით აღსანიშნავია სამიტის როლი ახალგაზრდა მეცნიერებისა და სტუდენტებისთვის, რომელთაც კონფერენციების გარდა, სეზონურ სკოლებში მონაწილეობითაც შეუძლიათ თავიანთი ცოდნის და კომპეტენციის გაღრმავება და ცნობილ ექსპერტებთან პირადი ურთიერთობების დამყარება. ის ფაქტი, რომ ამ მაღალი საერთაშორისო რეპუტაციის მქონე კონფერენციებისა და სკოლების მმართველი კომიტეტები დათანხმდნენ მათ საქართველოში ჩატარებას, მიუთითებს იმ ნდობასა და ავტორიტეტზე, რითაც სამიტის საორგანიზაციო კომიტეტში შემავალი ქართველი მეცნიერები სარგებლობენ უცხოელ კოლეგებს შორის.

სამიტის სპონსორები არიან ისეთი კომპანიები, როგორიცაა: Amazon Web Services, AnyDesk, Runtime Verification Inc და Springer. სამიტის ფარგლებში „შპრინგერი” მოაწყობს თავისი წიგნების გამოფენა-გაყიდვას, მათი წარმომადგენელი კი გეგმავს ქართველ მეცნიერებთან შეხვედრას საერთაშორისო სამეცნიერო გამოცემათა თანამედროვე მიმართულებების საკითხზე. 

მასალის გამოყენების პირობები
სხვა სიახლეები
საბერძნეთის პოლიცია
შემზარავი დანაშაული - რისთვის დააკავეს საბერძნეთში ქართველი ქალი

ბერძნული მედიის ინფორმაციით, პოლიციამ ათენში 31 წლის ქართველი ქალი დააკავა. საქართველოს მოქალაქე ძებნილი იყო. ის ათენში იტალიიდან გაიქცა. ბერძნული მედიის ცნობით, ახალგაზრდა ქალს იტალიაში ჩადენილ დანაშ...

კრიმინალი 1670056335

კრიმინალი
84 წლის ქალს ბასრი საგნით ყელზე მრავლობითი დაზიანებები მიაყენეს - რა მოხდა ოზურგეთში

ოზურგეთში, 84 წლის ქალი, ყელზე მრავლობითი დაზიანებებით საკუთარ საწოლში იპოვეს. "ტვ პირველის" ინფორმაციით ქალს ჭრილობები ბასრი საგნით აქვს მიყენებული. შემთხვევა ჯორჯიაშვილის ქუჩაზე მოხდა, სადაც ამ დროი...

კრიმინალი 1670055714

ღარიბაშვილი
„სახელმწიფო ქმნის განსაკუთრებულ პირობებს“ - რას ამბობს პრემიერი შშმ პირებზე

საქართველოს პრემიერ-მინისტრის ირაკლი ღარიბაშვილის განცხადებით, შეზღუდული შესაძლებლობის მქონე პირთა უფლებების დაცვის განსაკუთრებული მნიშვნელობიდან გამომდინარე, საქართველოში კონსტიტუციურ დონეზე განისაზღ...

პოლიტიკა 1670055468

აქცია
„ოცნების“ ოფისთან მიხეილ სააკაშვილის მხარდასაჭერ აქციას რეგიონებიდანაც უერთდებიან

"მიშა უნდა გადარჩეს!" - დღეს,  15:00 საათზე, მიხეილ სააკაშვილის საზღვარგარეთ კლინიკაში გადაყვანის მოთხოვნით, "ქართული ოცნების" ოფისთან საპროტესტო აქცია გაიმართება. აქციას საქარათველოს სხვადასხვა რეგიო...

პოლიტიკა 1670054343

ევროკავშირი
„განზრახ ძირს უთხრის დემოკრატიისა და კანონის უზენაესობის რეფორმებს“ - ვისზე ავრცელებს განცხადებას ევროკავშირი

ევროპარლამენტი უნგრელი ევროკომისრის ოლივერ ვარჰეისთან დაკავშირებით, გამოძიებას ითხოვს - ამის შესახებ Twitter-ზე ინფორმაციას ჰოლანდიელი პარლამენტარი, თეის რეტენი ავრცელებს. განცხადებაში ნათქვამია, რომ...

მსოფლიო 1670053419

პოლიტიკა
„იქნა აღებული კანონის და საერთაშორისო წესის მოთხოვნის უხეში დარღვევით სისხლის ანალიზი“ - ადვოკატი მიხეილ სააკაშვილზე

მიხეილ სააკაშვილს ნიმუშები, სავარააუდოდ, არასწორად აუღეს.   კოკა კაციტაძის უწყების გამომძიებელი არასწორ ქმედებებში მესამე პრეზიდენტის ადვოკატმა ამხილა. შალვა ხაჭაპურიძე ამბობს, რომ სპეციალური საგამოძი...

პოლიტიკა 1670052484